თამარისის პარკში სანიტარული კვანძის მოსაწყობად 28 063 ლარი დაიხარჯება
მარნეულის მუნიციპალიტეტის ადგილობრივმა თვითმმართველობამ სოფელ
თამარისში სარეკრეაციო სივრცეში სანკვანძის მშენებლობისათვის შპს
„სოფო“-სთან გამარტივებული შესყიდვის ხელშეკრულება გააფორმა.
მარნეულის მერია თამარისში სანიტარული კვანძის მშენებლობას სოფლის
მხარდაჭერის პროგრამის ფარგლებში გეგმავს, რისთვისაც 28 063 ლარია
გამოყოფილი.
შპს „სოფო“-სა და მარნეულის მერიას შორის გაფორმებული გამარტივებული
შესყიდვის ხელშეკრულების მიხედვით, რომელიც 16 ნოემბერს გაფორმდა,
პროექტისათვის გათვალისწინებული 28 063 ლარიდან 19 400 ლარს
სახელმწიფო ბიუჯეტი, ხოლო 8 663 ლარს ადგილობრივი თვითმმართველობა
გამოყოფს.
სახელმწიფო შესყიდვების შესახებ ხელშეკრულების მიხედვით, შპს „სოფო“
ვალდებულია სოფელ თამარისში სარეკრეაციო სივრცეში სანიტარული კვანძი
60 კალენდარულ დღეში მოაწყოს.
ფოტო: სოფელ თამარისის პარკი - რადიო „მარნეულის“ არქივი
რადიო „მარნეული“