Մայիսի 1-ից Մառնեուլի-Թբիլիսի-Սադգուրիս մոեդանի  ավտոբուսի ուղեվարձը բարձրացել է։ "Մգզավրի" ավտոկայանի համակարգողը  «Ռադիո Մարնեուլի»-ին ասել է, որ ուղեվարձի բարձրացումը պայմանավորված է վառելիքի գների բարձրացմամբ։

«Մենք ստիպված էինք բարձրացնել գինը վառելիքի սակագնի պատճառով։ Դիզելային վառելիքն արդեն այնքան թանկ է, որ վարորդներին ոչինչ չի մնում ։ Քանի դեռ վառելիքի գինը այդքան բարձր է, կարծում եմ՝ մենք ոչինչ չենք փոխի»։ - մեզ ասաց համակարգողը։

Մարնեուլիից Թբիլիսի են երթևեկում երկու միկրոավտոբուսային գծեր՝ Մառնեուլի-Սադգուրիս մոեդանի  և Մառնեուլի-Սամգորի: Այս փուլում Մառնեուլի-Սադգուրիս մոեդանի  երթուղու ուղեվարձը բարձրացել է 1 լարիով և դարձել 4 լարի: Մառնեուլի-Սամգորի երթուղու ուղեվարձը մնում է 3 լարի։

Մառնեուլի-Սամգորի երթուղու վարորդները «Ռադիո Մարնեուլի»-ին ասել են, որ այս փուլում մտադիր չեն  բարձրացնել ուղեվարձը: Ինչպես մեր զրույցի ժամանակ նշեց Մառնեուլի-Սադգուրիս մեոդանի  երթուղու վարորդը, ի տարբերություն Սամգորի երթուղու, նրանց  երթուղին ստիպված է անցնել ավելի երկար ճանապարհ, ինչը ուղեվարձի բարձրացման պատճառներից մեկն է։

Մառնեուլի-Սադգուրիս մոեդանի  երթուղին մեկ երթուղով պետք է անցնի 42 կիլոմետր, իսկ Մառնեուլի-Սամգորի երթուղին՝ 36 կիլոմետր։

BPN-ի կողմից հրապարակված տեղեկատվության համաձայն՝ որոշ բենզալցակայաններում վառելիքի գինը արդեն հասել է 4 լարիի: Հրատարակությունը գրում է, որ մայիսի 1-ից Վրաստանում վառելիքի գինը բարձրացել է 6-ից մինչև 20 տետրի: Նրանց խոսքով՝ միջազգային բորսաներում այդ միտումը արտացոլվել է վրացական շուկայում մոտավորապես մարտի 9-ից, և ապրանքանիշային բենզալցակայաններում վառելիքի գինը բարձրացել է մի քանի փուլով՝ մարտի 9-ից մինչև այսօր՝ 27-ից մինչև 84 տետրի: