Մառնեուլիի մունիցիպալիտետի հանրային դպրոցներում մանկավարժների
թափուր տեղեր են հայտարարվել:
Ներկայացված տվյալների համաձայն՝ թափուր պաշտոնները ներառում են
ինչպես քաղաքի, այնպես էլ համայնքի գյուղերի դպրոցները:
Մառնեուլիի №6 հանրային դպրոցում փնտրում են երաժշտության ուսուցիչ
վրացական սեկտորի համար՝ շաբաթական 14 ժամ ծանրաբեռնվածությամբ
(ենթադրյալ աշխատավարձը՝ 300-ից 1400 լարի): Դիմումների ներկայացման
վերջնաժամկետը նոյեմբերի 20-ն է:
Ալգեթիի №1 հանրային դպրոցում թափուր է վրաց լեզվի ուսուցչի հաստիքը
ոչ վրացալեզու սեկտորների I դասարանի համար: Դիմումներն ընդունվում են
մինչև նոյեմբերի 6-ը:
Ջանդարի հանրային դպրոցում նույնպես նոյեմբերի 6-ին է լրանում
ադրբեջաներենի (որպես ազգային փոքրամասնությունների
լեզվի) ուսուցչի
հաստիքի դիմումների ընդունման ժամկետը: Աշխատանքը IX դասարանի համար
է՝ շաբաթական 4 ժամ ծանրաբեռնվածությամբ և 100-300 լարի աշխատավարձով
(պահանջվում է առնվազն 3 տարվա աշխատանքային փորձ, համակարգչային
ծրագրերի իմացություն և վրացերենի B1 մակարդակ):
Սաբիրքենդիի №1 հանրային դպրոցը հայտարարում է դպրոցի հոգեբանի թափուր
տեղ՝ շաբաթական 10 ժամ ծանրաբեռնվածությամբ: Թեկնածուն պետք է ունենա
համապատասխան բարձրագույն կրթություն, ճանաչողական ու հուզական
հմտությունների գնահատման և անհատական ուսումնական պլանների կազմման
փորձ, ինչպես նաև տիրապետի վրացերենին և ադրբեջաներենին: Դիմումներն
ընդունվում են մինչև նոյեմբերի 10-ը:
Այս թափուր տեղերի մրցույթին մասնակցել ցանկացողները պետք է հայտերը
ներկայացնեն էլեկտրոնային եղանակով՝ ուսուցիչների թափուր տեղերի
պաշտոնական պորտալի միջոցով: