Փաստաբանը Ռովշան Իսկանդարովի համար պահանջում է 50.000 լարի, իսկ Էթիբար Իսկանդարովի համար՝ 50.000 լարի։

Հոկտեմբերի 31-ին ՆԳՆ-ն ձերբակալել է Մառնեուլիի սակրեբուլոյի փոխնախագահ Ռովշան Իսկանդարովին և մեկ այլ անձի՝ Մառնեուլիի Սադախլո  գյուղում գտնվող թիվ 69 ընտրատարածքում ընտրությունները կեղծելու փորձի համար։

«Ներքին գործերի նախարարության Քվեմո Քարթլիի ոստիկանության վարչության աշխատակիցները օպերատիվ միջոցառումների և քննչական գործողությունների արդյունքում ձերբակալել են երկու անձի՝ 1984 թվականին ծնված Ռ.Ի.-ին և Մառնեուլիի մունիցիպալիտետի Ի.Ի.-ին։ Սադախլո գյուղում ընտրական քվեաթերթիկները դրվել են քվեատուփի մեջ  օրենքի խախտմամբ՝ նկատի ունենալով, որ թիվ 69 ընտրատարածքում քվեարկությունը դադարեցվել է և քվեարկության արդյունքները ճանաչվել են անվավեր։ Հանցագործությունը պատժվում է ազատազրկմամբ՝ առավելագույնը 2 տարի ժամկետով»։ - նշված է հայտարարության մեջ։

Միջադեպը հետաքննվում է Քրեական օրենսգրքի 164-րդ հոդվածով, որը վերաբերում է ընտրությունների հետ կապված փաստաթղթերի՝ ընտրացուցակների, արձանագրությունների, քվեաթերթիկների, գրանցման մատյանների և վերահսկիչ թերթերի դիտավորյալ կեղծմանը։

"Ռադիո  Մառնեուլի"

Թարգմ․  ՝  Մարգարիտա  Միսկարյան