Գնահատման և քննությունների ազգային կենտրոնը տեղեկատվություն է
տարածել 2021 թվականի ընդունելության քննությունների փոփոխությունների
վերաբերյալ:
Ըստ նրանց ՝ 2021 թվականին միասնական ազգային քննությունների ծրագրերն
ու առաջադրանքների տեսակները կմնան անփոփոխ: Մի քանի առարկաներից
միայն քննության տևողությունը և առավելագույն միավորները կկրճատվեն:
Փոփոխությունը կանդրադառնա մաթեմատիկայի, քիմիայի և ֆիզիկայի թեստերի
վրա:
2021 թ. մաթեմատիկայի թեստում կլինեն 35 (27 փակ և 8 բաց)
առաջադրանքներ, որոնց առավելագույն միավորը 59-ից կրճատվել է 51-ի:
Բաց առաջադրանքները բաղկացած կլինեն երկու երկու միավորանոց հարցից,
չորս երեք միավորանց և երկու չորս միավորանոց հարցերից: Թեստի համար
հատկացված ժամանակը կկազմի 3 ժամ ՝ 3 ժամ 40 րոպեի փոխարեն, իսկ
նվազագույն շեմը կլինի առնվազն 11 միավոր (բարձրագույն ուսումնական
հաստատություններն իրավունք ունեն ավելի բարձր շեմ սահմանել):
Ֆիզիկայի և քիմիայի թեստերի վրա աշխատելու համար 3 ժամ 40 րոպեի
փոխարեն կհատկացվի 3 ժամ, իսկ առավելագույն միավորը 75 միավորի
փոխարեն կլինի 63: Այլ առարկաների թեստերում փոփոխություններ չեն
նախատեսվում:
25/11/2020
«Ռադիո Մառնեուլի»
Թարգմ․ ՝ Մարգարիտա Միսկարյան