Մառնեուլի քաղաքապետարանը նախատեսում է տեղական ավտոճանապարհների և կամուրջների

շինարարական-վերականգնողական աշխատանքներ 2021-2022 թվականների համար: Ծրագրի փաստաթղթերի ձեռքբերման համար տեղական ինքնակառավարումն արդեն հայտարարել է 308.500 լարի արժողությամբ մրցույթ:
Փաստաթղթերի համաձայն `նշված տարում 27 գյուղերում նախատեսվում է ներքին կամ կենտրոնական ճանապարհի վերականգնում:

• Կաչագանի ներքին ճանապարհների ասֆալտապատում
• Կապանախչիի ներքին ճանապարհների ասֆալտապատում
• Թամարիսի ներքին ճանապարհների ասֆալտապատում
• Բեգլիարիի ներքին ճանապարհների ասֆալտապատում
• Մարադիսիի ներքին ճանապարհի ասֆալտապատում
• Շաումիանիի ներքին ճանապարհի ասֆալտապատում
• Ախլոմախմուդլոյի ներքին ճանապարհի ասֆալտապատում
• Էնիքենդիի ներքին ճանապարհի ասֆալտապատում
• Խոխմելիի ներքին ճանապարհի ասֆալտապատում
• Օփրետի ճանապարհ
• Սեիդիգոջալոսի ճանապարհ
• Քութլիարի ճանապարհ
• Լեժբադինի ճանապարհ
• Խանջիգազլո ճանապարհ
• Աղքյորփու բետոնե ճանապարհ
• Կարմիր գյուղի ճանապարհ
• Ախլոլայի Ճանապարհ
• Զեմո Սարալի ճանապարհ
• Շուլավերի բնակավայրային ճանապարհ
• Քվեմո Սարալի ճանապարհ
• Մոլաողլիի ճանապարհը
• Կասումլոյի ճանապարհ
• Մեծ Մուղանլոի ճանապարհը
• Բայդարի ճանապարհ
• Խիխանիի ներքին ճանապարհը
• Ծոփի մուտքի ճանապարհ
• Սիոնից Ծերաքվի ներքին ճանապարհ

Ինչպես «Ռադիո Մառնեուլի»-ին ասել է քաղաքապետարանի ֆինանսաբյուջետային ծառայության ղեկավար Վուգար Մամեդովը, այս փուլում միայն նախագծեր են ձեռք բերվելու, իսկ աշխատանքները ներառվելու են հաջորդ տարվա առաջնահերթությունների փաստաթղթում:
«Մինչեւ օգոստոսի 2 -ը, կամ ընտրություններից 60 օր առաջ մենք բյուջեի փոփոխություն էինք կատարել եւ հիմա մրցույթ ենք հայտարարել: Սա մի քանի գյուղերի և Մառնեուլի երկու կամուրջների ճանապարհային աշխատանքների նախագծային-ծախսային փաստաթղթերի գնումն է: Հաջորդ տարվա առաջնահերթ փաստաթղթում կընդգրկվի»։
Շինարարության և վերականգնման աշխատանքներ են նախատեսվում Մառնեուլիում ՝ շուկայի մոտ, Ալգետի գետի ճանապարհային կամրջի վրա: Մրցութային փաստաթղթերի համաձայն `կամուրջը կառուցված է բնակչության կողմից եւ չի համապատասխանում Վրաստանում գործող շինարարական կանոնակարգերով սահմանված չափանիշներին:
Վերականգնողական աշխատանքներ կիրականացվեն նաեւ Մառնեուլի Դուրմիշխան Մագալաշվիլի կամրջի վրա:
Մսնակցել ցանկացող ընկերությունները կկարողանան մասնակցել քաղաքապետարանի հայտարարած մրցույթին `նախագծային-ծախսային փաստաթղթերի պատրաստման համար` սեպտեմբերի 25-ից սեպտեմբերի 28-ն ընկած ժամանակահատվածում: Հաղթող ընկերությունը պարտավոր կլինի աշխատանքները 90 օրացուցային օրվա ընթացքում ներկայացնել քաղաքապետարան:
Լուսանկարը վերցված է մրցութային փաստաթղթերից

«Ռադիո Մառնեուլի»
Թարգմ․ ՝ Մարգարիտա Միսկարյան
22.09.2021