Շահումյան գյուղի 62 փողոցներ կանվանակոչվեն
Մառնեուլիի մունիցիպալիտետի Շահումյան գյուղի 62 փողոցներ
կանվանակոչվեն։
Սեպտեմբերի 20-ին Գույքի կառավարման և բնական պաշարների հանձնաժողովի
նախագահ Գիվի Գիորգաձեն սակրեբուլոյի նիստում հայտնել է անվանակոչման
գործընթացի մասին տեղեկատվություն և նշել, որ քաղաքապետարանում
ստեղծվել է հատուկ հանձնաժողով՝ անվանակոչման համար։
«Անվանակոչման հետ կապված հանձնաժողով է ստեղծվել,
Շահումյանում կանվանակոչվեն փողոցները, ինչը համաձայնեցվել է
բնակչության և մարզպետարանի հետ։
Ինչպես սեպտեմբերի 28-ին ասել է Սակրեբուլոյի գրասենյակի ղեկավար Նինո
Բերիձեն, «Ռադիո Մարնեուլի»-ի հետ զրույցում, փողոցների անվանումներն
արդեն ուղարկվել են Կառավարության Անվանումների հանձնաժողով,
հաստատման համար։
Մառնեուլիի քաղաքապետարանի գյուղերում փողոցների անվանակոչման
գործընթացը սկսվել է 2022 թվականի փետրվարին։
Մունիցիպալիտետի կազմում ամբողջությամբ անվանակոչվել են Մառնեուլի
քաղաքը, Սաիմերլո գյուղը, Ծերեթելին, Կիզիլաջլոն և Իմիրը։
Գյուղերում փողոցների անվանումների ընտրությունը կատարվում է
բնակչության նախաձեռնությամբ և ներառում է մի քանի փուլ։ Տեղացիներն
իրենց տարբերակները կներկայացնեն քաղաքապետարանի մոտ 10 հոգուց
բաղկացած աշխատանքային խմբին։ Մեկ անվան շուրջ բոլորի համաձայնության
դեպքում հարցը ուղարկվում է աշխարհագրական օբյեկտների անվանումների
կառավարական հանձնաժողով՝ աշխարհագրական օբյեկտների անվանումները
որոշելու, նորմալացնելու, օգտագործելու, գրանցելու և պաշտպանելու
նպատակով։ Վերջնական անվանումը հաստատելը սակրեբուլոյի իրավասությունն
է։
«Ռադիո Մառնեւլի»
Թարգմ․՝ Մարգարիտա Միսկարյան