Մառնեուլիի քաղաքապետարանի տեղական ինքնակառավարումը նախատեսում է
վերանորոգել Աղքյորփի գյուղի ամբուլատորիայի մեկ սենյակը։
Հոկտեմբերի 18-ին Մառնեուլիի քաղաքապետարանը 9485 լարիի մրցույթ է
հայտարարել ամբուլատորիայի շենքի մեկ սենյակի վերանորոգման
աշխատանքների համար։ Մրցութային առաջարկի համաձայն՝ հաղթող
ընկերությունն աշխատանքները պետք է իրականացնի պայմանագիրը կնքելուց
հետո 45 օրացուցային օրվա ընթացքում։
Նշենք, որ Աղքյորփի գյուղի ամբուլատորիայի շենքի մեծ մասն այս փուլում
զբաղեցնում է դպրոցը։ Աղքյորփիի հանրակրթական դպրոցը 2022-23
ուսումնական տարին սկսել է ամբուլատորիայի շենքում, քանի որ դպրոցի
շենքը վթարային է և ունի վերանորոգման կարիք։ Այս փուլում
ամբուլատորիան օգտագործում է միայն մեկ սենյակ, իսկ Մառնեուլիի
քաղաքապետարանը մրցույթ է հայտարարել այս սենյակի վերանորոգման
աշխատանքների համար։
«Ռադիո Մառնեուլի»
Թարգմ․ ՝ Մարգարիտա Միսկարյան