Մառնեուլիի քաղաքապետարանը սակրեբուլոյին տեղեկատվություն է
տրամադրել քաղաքապետարանի 2022 թվականի տեղական բյուջեի իննամսյա
կատարողականի մասին։
«Ռադիո Մառնեուլի»-ի հետ զրույցում Մառնեուլիի խորհրդի գրասենյակի
ղեկավար Նինո Բերիձեն ասել է, որ խորհրդի ֆինանսաբյուջետային
հանձնաժողովը զեկույցը կքննարկի այս շաբաթ և իր գնահատականը կտա
խորհրդի հաջորդ նիստի համար։
«Զեկույցի քննարկումն անպայման կհրապարակվի։ Ինչպես միշտ,
հանձնաժողովը բաց լսումներ է ունենալու, և բոլոր ցանկացողները կարող
են մասնակցել: Սրանք 9 ամսվա արդյունքներ են»։
Մառնեուլիի սակրեբուլոյի խորհրդի գրասենյակի ղեկավարի խոսքով, մինչև
քաղաքային խորհրդի հաջորդ նիստը, ֆինանսաբյուջետային հանձնաժողովը
կգնահատի բյուջեի կատարման 9-ամսյա հաշվետվությունը, որից հետո հարցը
կքննարկվի սակրեբուլոյի խորհրդի նիստում։
Համաձայն Վրաստանի տեղական ինքնակառավարման օրենսգրքի՝
մունիցիպալիտետի քաղաքապետը և մունիցիպալ խորհրդի անդամը պարտավոր են
տարին առնվազն մեկ անգամ, ոչ ուշ, քան նոյեմբերի 1-ը, հանրային
հանդիպումներ կազմակերպել քաղաքապետարանի ընտրողների հետ ,
քաղաքապետարանի ավագանու համապատասխան որոշմամբ սահմանված կարգով և
նրանց ներկայացնել կատարված աշխատանքների հաշվետվություն,
հաշվետվության քննարկման ժամանակ պատասխանել քաղաքապետարանի
ընտրողների կողմից տրված հարցերին։
Քաղաքապետարանի տարածքում գրանցված ընտրողն իրավունք ունի ներկա
գտնվել համայնքի ղեկավարի և համայնքի ավագանու անդամի հրապարակային
հաշվետվությունների քննարկմանը:
«Ռադիո Մառնեուլի»
Թարգմ․ ՝ Մարգարիտա Միսկարյան