Մառնեուլիում կվերականգնվի Դուրմիշխան Մաղալաշվիլիի կամուրջը։
Դեկտեմբերի 26-ին քաղաքային խորհրդի անդամներից Ադիլ Ալիևը նախագիծը
ներկայացրել է Մառնեուլիի քաղաքային խորհրդի նիստում հաստատման։
Ինչպես նա նշեց «Ռադիո Մառնեուլի» հետ զրույցում, կենտրոնական
բյուջեի ֆինանսավորմամբ ամբողջությամբ կվերականգնվի քաղաքի կենտրոնում
գտնվող կամուրջը։
«
2022 թվականի դեկտեմբերի 21-ին գրություն է ստացվել
Մառնեուլիի մունիցիպալիտետի քաղաքապետից՝ նախագծի հաստատման
խնդրանքով։ Խոսքը վերաբերում է Վրաստանի Տարածաշրջանային հիմնադրամի
կողմից ֆինանսավորվող նախագծին` Մառնեուլի քաղաքի Դուրմիշխան
Մաղալաշվիլիի կամրջի ամբողջական վերականգնմանը։ Ծրագրի ընթացիկ
բյուջեն կազմում է 1 880 000 լարի։ Մենք հավանություն ենք
խնդրում»,- ասել է Մառնեուլուլիի քաղաքային խորհրդի անդամ
Ադիլ Ալիեւը։
Նշված հարցին պատգամավորները դրական են քվեարկել։ Ադիլ Ալիեւի խոսքով,
նշված նախագիծը կուղարկվի Վրաստանի Տարածաշրջանային զարգացման եւ
ենթակառուցվածքների նախարարություն ֆինանսավորման համար։
Դեկտեմբերի 26-ին քաղաքային խորհրդի նիստում հաստատվել է Մառնեուլիի
2023թ բյուջեն։ Այս փուլում տեղական ինքնակառավարման
բյուջեն որոշվել է 46 856 300 լարի։ Ինչպես մեզ հետ զրույցում ասացին
օրենսդիր մարմնում, սա բյուջեի վերջնական տարբերակը չէ, և գումարն
ակնկալում են կենտրոնական բյուջեից։ Քաղաքապետարանի
ֆինանսաբյուջետային ծառայության պետի պաշտոնակատար Մայա
Նավերյանին խոսեց հաջորդ տարվա բյուջեում նշված գումարների
մասին։
"Ռադիո Մառնեուլի"
Թարգմ․ ՝ Մարգարիտա Միսկարյան