Մառնեուլիի մունիցիպալիտետի տեղական ինքնակառավարումը 2023
թվականին մշակույթի զարգացման համար կծախսի 2 545 000 լարի։
Քաղաքապետարանի բյուջեով մշակութային զարգացման ծրագրի համար
հատկացված գումարը բաշխվելու է երեք ուղղությամբ։ Այդ
ուղղություններն են՝ մշակույթի ոլորտի ինստիտուտների, մշակույթի
ոլորտի միջոցառումների և կրոնական և այլ տեսակի հասարակական
գործունեության խթանում։
Նշված երեք ուղղություններից ամենամեծ գումարը՝ 1 850 000 լարի,
հատկացվում է Մառնեուլիի մշակութային կենտրոնի ֆինանսավորմանը։
Մշակութային ոլորտում հաստատությունների խթանման ենթածրագրի
նկարագրությամբ կկազմակերպվեն տարբեր մշակութային միջոցառումներ, այդ
թվում՝ քաղաքի և երկրի նշանակալի տարեթվերի նշում։
«
Քաղաքի բնակիչներին և այցելուներին առաջարկելով տեսարժան
վայրերի բազմազանություն։ Մշակույթի կենտրոնի նյութատեխնիկական բազայի
առաջարկ և առավելագույն աջակցություն։ Վաստակավոր քաղաքացիների անցած
ճանապարհի ընդհանրացում և արժեւորում (հոբելյաններ, հանդիպումներ,
հիշատակի միջոցառումներ և այլն)։ Վրացական մշակույթի խթանում և
Մառնեուլիի` որպես այս մշակույթի ավանդույթը կրող քաղաքի ներմուծումը
երկրից դուրս և տարածաշրջանում: Քաղաքի սփյուռքների անմիջական
ներգրավումը քաղաքի մշակութային կյանքում և համատեղ միջոցառումների
կազմակերպում։ Մառնեուլիի մունիցիպալիտետի տարածքում
մշակութային և կրթական հաստատությունների գործունեության համակարգում
և աջակցություն, գեղարվեստական բնագավառների զարգացման խթանում,
հանրահռչակում։ Սոցիալական նշանակություն ունեցող նախագծերի, տարբեր
ուղղությունների ստեղծագործական գործունեության ապահովում։
Անհատ կատարողների և ստեղծագործական կոլեկտիվների գործունեության
խթանում, երաժշտական, խորեոգրաֆիկ, բանահյուսություն, գծանկար և
նկարչություն, դասական երաժշտություն, թատրոն, ժամանակակից
խորեոգրաֆիա, լուսանկարչական արվեստ, վոկալ-գործիքային շրջանակներ,
գրական ակումբներ, երիտասարդ տաղանդավոր տեղական գրողներ, պայմանների
ստեղծում ստեղծագործության խթանում, ազգային ավանդույթների
սովորույթների ամրագրում, առաջխաղացում երիտասարդ սերնդի
դաստիարակության և ձևավորման խթանում որպես ժողովրդավարական
հասարակության իսկական քաղաքացիներ, մշակութային և սոցիալական
ինքնագիտակցության բարելավում, գեղագիտական
զարգացում"։
Մառնեուլիի քաղաքապետարանը 2023 թվականին մշակութային միջոցառումների
համար կծախսի 275 հազար լարի։ Այս գումարը ներառում է այնպիսի
միջոցառումների անցկացման ծախսերը, ինչպիսիք են Նովրուզ Բայրամը,
Ամանորի համերգը և այլն։
«
Ենթածրագիրը նախատեսում է երգիչների վարձում, համերգների
համար բեմական և լուսային-ձայնային սարքավորումներ, դրանց տեղադրում և
ապամոնտաժում։ Համազգեստի գնում կամ վարձույթ թատերական
ներկայացումների համար։ Ցուցահանդեսային տարածքի կազմակերպման
նպատակով ապրանքների գնում։ Մառնեուլիում որպես ավանդույթ է
սահմանվել և նշվում է գինու օրը։ Միջոցառման շրջանակներում անցկացվում
են տարբեր աշնանային ծեսեր, մշակութային ժառանգություն,
զբոսաշրջություն և կրթական գործունեություն»։ - Նշված է
մշակույթի ոլորտի միջոցառումների ենթածրագրում։
Մշակութային ոլորտի զարգացման համար հատկացված գումարի մեջ ներառված է
կրոնական և հասարակական այլ գործունեության համար հատկացված 420.000
լարին։ Նշված գումարի մեծ մասը՝ 400.000 լարի, հատկացվում է
Մառնեուլիի և Հուջաբի թեմի ֆինանսավորմանը, իսկ 20.000 -ը՝ մզկիթների
և եկեղեցի-վանքերի կոմունալ վճարների ֆինանսավորմանը։
"Ռադիո Մառնեուլի"
"Թարգմ․ ՝ Մարգարիտա Միսկարյան