Մառնեուլիի մանկապարտեզների համար ձեռք է բերվելու 9500 լարի ալյուր,
վարսակի փաթիլներ և սիտակաձավար։
Մառնեուլիի մունիցիպալիտետի մանկապարտեզների միությունը
նախատեսում է 9500 լարիով գնել ցորենի ալյուր, եգիպտացորենի ալյուր,
վարսակի փաթիլներ և սպիտակաձավար։ Մրցութային փաստաթղթերի համաձայն՝
արտադրանքը ձեռք է բերվելու Մառնեուլիում գործող բոլոր
մանկապարտեզների համար։
- Ցորենի ալյուր 980 կգ. -Բարձրորակ, գործարանային փաթեթավորված,
մակնշմամբ, արտադրության և պիտանելիության ժամկետի համապատասխան
նշումով։ Փաթեթավորման և փոխադրման պայմանները պետք է համապատասխանեն
Վրաստանի օրենսդրությամբ սահմանված պահանջներին։
- Եգիպտացորենի ալյուր 560 կգ. - Բարձր որակ, գույնը՝ սպիտակ,
մաղած, չոր, առանց բորբոս, խոնավության և վնասատուների։ Այն չպետք է
պարունակի վնասակար քիմիական տարրեր և գենետիկորեն ձևափոխված
օրգանիզմներ։ Պատշաճ փաթեթավորված։ Փաթեթավորման և տեղափոխման
պայմանները պետք է համապատասխանեն Վրաստանի օրենսդրությամբ սահմանված
պահանջներին:
- Վարսակի փաթիլներ 350 կգ. - Յուրաքանչյուր մատակարարված խմբաքանակ
պետք է լինի մոխրագույն՝ բեժից մինչև դեղնավուն: Հոտ - թեթեւ
վարսակ: Այն չպետք է պարունակի օրգանիզմի համար վտանգավոր
քիմիական տարրեր և գենետիկորեն ձևափոխված օրգանիզմներ, համապատասխանի
այս ոլորտում գործող ստանդարտներին և տեխնիկական նորմերին։
Փաթեթավորված և պատշաճ պիտակավորված 1, 5 կամ 25 կգ
փաթեթներում: Առաքված ապրանքների պահպանման ժամկետը պետք է
կազմի ընդհանուր պահպանման ժամկետի 50%-ը: Փաթեթավորման և փոխադրման
պայմանները պետք է համապատասխանեն Վրաստանի օրենսդրությամբ սահմանված
պահանջներին։
- Սպիտակաձավար 616 կգ. - ամենաբարձր որակի, առանց կեղտերի,
խոնավության և բորբոս հոտի, փաթեթավորված տուփերում, պիտակով, որը
նշում է արտադրության ամսաթիվը և պիտանելիության ժամկետը:
Փաթեթավորման և տեղափոխման պայմանները պետք է համապատասխանեն Վրաստանի
օրենսդրությամբ սահմանված պահանջներին:
Նշենք, որ Մառնեուլիի մանկապարտեզների միության նույն արտադրանքը ձեռք
է բերել համեմատաբար փոքր քանակությամբ պարզեցված եղանակով, հրատապ
անհրաժեշտությունից ելնելով, վճարել է 2189 լարի։ Այն բանից հետո, երբ
տապալվեց ալյուրի և ձավարեղենի համար հայտարարված առաջին
մրցույթը։
Նոր մրցույթին մասնակցել է մեկ ընկերություն, որի ընտրությունն այս
փուլում գնահատվում է։
"Ռադիո Մառնեուլի"
Թարգմ․ ՝ Մարգարիտա Միսկարյան