«
Այսօր սև օր է վրացական ժողովրդավարության համար»,-
այսպես է արձագանքել ամերիկյան դեսպանատունը Վրաստանի խորհրդարանում
ռուսական օրինագծերի քննարկմանը։
Ըստ դեսպանատան՝ ոգեշնչված Կրեմլից օրենքների քննարկման
շարունակությունն անհամատեղելի է Վրաստանի՝ Եվրոպային ինտեգրվելու
հետ։
«
Խորհրդարանի կողմից Կրեմլից ոգեշնչված օրենքների
շարունակական դիտարկումը անհամատեղելի է Եվրոպային ինտեգրվելու
Վրաստանի հստակ ցանկության և երկրի ժողովրդավարական զարգացման
հետ:
Այս օրենքների ընդունումը կվնասի ռազմավարական գործընկերների
հետ Վրաստանի հարաբերություններին և կխաթարի այն կարևոր աշխատանքը,
որը վրացական շատ կազմակերպություններ անում են իրենց
համաքաղաքացիներին օգնելու համար: Այս գործընթացն ու օրենքների
նախագծերը իրական հարցեր են առաջացնում իշխող կուսակցության՝
եվրատլանտյան ինտեգրմանը նվիրված լինելու վերաբերյալ»,-
ասված է հայտարարության մեջ։
«Վրացական երազանք» խմբակցության նախագահ Մամուկա Մդինարաձեն Վրաստանի
խորհրդարանում լիագումար նիստում Շալվա Պապուաշվիլիին առաջարկել է, որ
ավելի լավ է «օտարերկրյա ազդեցության գործակալների» մասին օրինագծերի
քննարկումը սկսել այսօր։
Իշխող կուսակցությունը երեկ հայտարարեց, որ մարտի 9-ին կայանալիք
լիագումար նիստում սկսելու են ռուսական օրինագծերի քննարկումը։
Վրաստանի խորհրդարանի նախագահն ասաց, որ առաջարկն ընդունելի է, և լավ
կլինի քննարկումը սկսել այսօր՝ ժամանակ խնայելու համար։
Խորհրդարանի նախագահի որոշմամբ ռուսական օրինագծերի քննարկումը սկսվել
է առանց լիագումար նիստում ընդմիջում հայտարարելու։
"Ռադիո Մառնեուլի"
Թարգմ․ ՝ Մարգարիտա Միսկարյան