Չինաստանի նախագահ Սի Ցզինփինը Պեկինում հանդիպել է Ադրբեջանի նախագահ Իլհամ Ալիևի հետ։ Չինաստանը և Ադրբեջանը, համապարփակ ռազմավարական գործընկերության խորացման շրջանակում, ստորագրել են շուրջ 20 փաստաթուղթ, որոնք ընդգրկում են ոլորտներ, ինչպիսիք են իրավական հարցերը, կանաչ զարգացումը, թվային տնտեսությունը և այլ ուղղություններ։

«Մաքսային և առևտրային պատերազմները խաթարում են բոլոր երկրների օրինական իրավունքներն ու շահերը», – հայտարարել է Չինաստանի նախագահը Ալիևի հետ հանդիպման ժամանակ։

Սի Ցզինփինի խոսքով՝ մաքսային և առևտրային պատերազմները վնասում են բազմակողմ առևտրային համակարգին և ազդում են գլոբալ տնտեսական կարգի վրա։

Ադրբեջանի նախագահ Իլհամ Ալիևը Չինաստանում է երկօրյա պետական այցով։