Ոչ վրացալեզու դպրոցների/սեկտորների գործող ուսուցիչների և գործող հատուկ ուսուցիչների կոմպետենտության քննությունը կանցկացվի դեկտեմբերի 1-3-ը:

Տեղեկատվությունը հրապարակվել է Գնահատման և քննությունների ազգային կենտրոնի կողմից:

Քննության կենտրոններ կբացվեն Թբիլիսիում և Քութայիսում:
Թբիլիսիի քաղաքի թիվ 177 հանրային դպրոց - Թբիլիսի, Դավիթ Ջաբիձեի փողոց, թիվ 38 (Գլդանի, 5-րդ շրջան);
Քութայիսիի քաղաքի թիվ 23 հանրային դպրոց - Քութայիսի, Արակիշվիլի փողոց, թիվ 15:

Գրանցված դիմորդները կկարողանան տպել քննական քարտերը նոյեմբերին: Քարտի վրա նշված կլինի քննական կենտրոնի կոնկրետ հասցեն, յուրաքանչյուր քննության ամսաթիվը, գրանցման մեկնարկի ժամը և այլ կարևոր առաջարկություններ:

Տեսեք ամբողջական ժամանակացույցը այստեղ.

Հայտնի չէ, թե Մառնեուլիից քանի ուսուցիչ է գրանցված առարկայական քննությանը: Մառնեուլիի ռեսուրս կենտրոնը վիճակագրություն ունի հաստատված կոմպետենտություն ունեցող ուսուցիչների վերաբերյալ: Նրանց տվյալներով՝ Մառնեուլիի 74 հանրային դպրոցների մոտ 1500 ուսուցիչ ունի «ավագ ուսուցչի» կարգավիճակ, մինչդեռ մոտ 300 ուսուցիչ վայելում է «առաջնորդ» և «խորհրդատու» կարգավիճակները։

Դպրոցներում ուսուցիչների կարողությունը որոշվում է մի քանի փուլով։ Առարկայական քննությունը չհանձնած ուսուցիչը համարվում է պրակտիկ։ Ուսուցիչները քննության ժամանակ գնահատվում են 10 միավորանոց համակարգով։ Եթե նրանք ստանում են լրիվ 10 միավոր, նրանց շնորհվում է «ավագ ուսուցչի» կարգավիճակ։ Ավելի բարձր մակարդակներն են՝ «առաջնորդ» և «խորհրդատու ուսուցիչ»։ Համապատասխանաբար, կարողությունը որոշում է նրանց աշխատավարձը։
"Ռադիո  Մառնեուլի"
Թարգմ․  ՝  Մարգարիտա Միսկարյան