Ամբողջ հանրապետության տարածքով հոկտեմբերի 12-ից կսկսեն գործել մանկապարտեզները, բացառությամբ Աջարիայի։

Բացի այդ, հոկտեմբերի 19-ին ուսանողները կվերադառնան լսարաններ, բացառությամբ Աջարիայի, - այս մասին ասել է Կորոնավիրուսային հարցով միջգերատեսչական համակարգող խորհրդի նիստից հետո Վրաստանի կրթության, գիտության, մշակույթի և սպորտի նախարար Միխեիլ Չխենկելին:
Ինչպես նշել է Չխենկելին, 1-6-րդ դասարանցիների համար ուսման վերսկսումը, բացառությամբ Աջարիայի, ուժի մեջ է հոկտեմբերի 1-ից:
«1-ից 6-րդ դասարանի աշակերտների համար ուժի մեջ է մնում այն որոշումը, որ նրանք հոկտեմբերի 1-ից վերադառնալու են դասարաններ: Իհարկե, դա չի վերաբերում Աջարիային: Եթե 1-ից 6-րդ դասարանների աշակերտների ծնողները որոշեն, որ նախընտրում են իրենց երեխաները առցանց սովորեն և հեռակա ուսուցման գործընթացը շարունակեն, դա լիովին ապահովված կլինի: Ինչ վերաբերում է նորություններին, հոկտեմբերի 12-ին մանկապարտեզները կվերսկսեն իրենց գործառույթը ամբողջ հանրապետությունում, բացի Աջարիայից: Բացի այդ, հոկտեմբերի 19-ին ուսանողները կվերադառնան լսարաններ, բացառությամբ Աջարիայի, հետևաբար, համալսարաններն ու միջին մասնագիտական ուսումնարանները գործելու են ոչ թե հեռակա, այլ լսարաններում: Շատ կարևոր է, որ բոլորը խստորեն հետևեն առողջապահության ոլորտում առաջարկություններին», - հայտարարել է Չխենկելին:

28/09/2020
«Ռադիո Մառնեուլի»
Թարգմ․ ՝ Մարգարիտա Միսկարյան