Հիվանդությունների վերահսկման ազգային կենտրոնի ղեկավար Ամիրան
Գամկրելիձեի խոսքով ՝ ամռանը պետք է պատվաստվեն բոլոր դպրոցների
ուսուցիչները, համալսարանի աշխատակիցները և ուսանողները՝ ապահով
միջավայրում ուսումնական գործընթացը սկսելու համար:
Հայտարարությունը տարածել է հունիսի 15-ին ՝ Միջգերատեսչական
համակարգող խորհրդի ավարտից հետո:
«Մենք պետք է ամռանը պատվաստումների առավելագույն քանակ ստանանք,
որպեսզի բուհերում ուսումնական գործընթացի անվտանգ մեկնարկն
ապահովենք: Այսինքն ՝ համալսարանի բոլոր ուսուցիչները և բոլոր
ուսանողները, ովքեր գալիս են համալսարան, պետք է երկու անգամ
պատվաստված լինեն: Ինչպես նաև բոլոր դպրոցների ուսուցիչները պետք է
երկու անգամ պատվաստվեն, որպեսզի դպրոցը երեխաների համար անվտանգ
լինի», - ասել է Ամիրան Գամկրելիձեն:
Հիվանդությունների վերահսկման ազգային կենտրոնի ղեկավարը նաև նշել է,
որ կառավարությունը քննարկում է երկու անգամ պատվաստված մարդկանց
հնարավորություն տալ ազատվել պարտադիր թեստավորումից։
Ըստ նրա, այս փուլում հանրապետությունում կա մի քանի հարյուր դոզա
Pfizer պատվաստանյութ, որն օգտագործվում է ծանր հիվանդների, ինչպես
նաև արտասահմանյան համալսարաններում ընդունված ուսանողների համար:
«Pfizer –ից մնացել է ընդամենը մի քանի հարյուր դեղաչափ` օրգանների
փոխպատվաստման, ծանր քաղցկեղով հիվանդների, ինչպես նաև առաջատար
համալսարաններում ընդունված և պահանջարկ ունեցող մեր ուսանողների
պատվաստման համար,», - ասել է Հիվանդությունների վերահսկման ազգային
կենտրոնի ղեկավարը:
15․06․2021
«Ռադիո Մառնեուլի»
Թարգմ․ ՝ Մարգարիտա Միսկարյան