«Եթե մենք չկանգնեցնենք այս իրավիճակը, ապա մայիսի 29-ին` 10 հազար, հունիսի 12-ին `20 հազար, իսկ հունիսի վերջին մենք կունենանք 30 հազար վարակված և հարյուրավոր մահվան դեպքեր»,- այս մասին Facebook-յան իր էջում գրել է ՀՀ վարչապետ Նիկոլ Փաշինյանը։

«Սա նշանակում է, որ մենք ստպված կլինենք նորից կիրառել ամենախիստ արգելքները։ Բայց մենք նաև ուեննք հնարավորություն դա չանելու, քանի որ ամեն ինչ կախված է մեզնից՝ յուրաքանչյուրիս անձնական պատասխանատվությունից։ Անհատականորեն դա սոցիալական հեռավորության պահպանումն ու դիմակ կրելն է, հատկապես շփման ժամանակ։ Բայց ես տեսնում եմ, որ փողոցում մարդիկ խոսում են առանց դիմակի և միմյանց մոտ կանգնած, կարծես թե ոչինչ չի էլ պատահել»։

Այս ամենի հետ մեկտեղ վարչապետը նաև կոչ է արել բնակչությանը հետևել բոլոր պահանջներին, ներառյալ փակ տարածքում դիմակ կրելն ու թաղման արարողությունների հետ կապված պահանջները։

«Բոլորը կտուգանվեն, բայց հետո չասեք , որ սոցիալական վատ կարգավիճակում եք և չեք կարող վճարել։ Եթե վատ պայմաններում եք ուրեմն հետևեք պահանջներին»։

Կորոնավիրուսով հաստատված դեպքերի թիվը Հայաստանում գերազանցել է 5000-ը, բայց այնուամենայնիվ, երկրում հանվել են մի շարք սահմանափակումներ, ներառյալ հասարակական տրանսպորտի և սննդի կետերի շահագործումը։

Այսօրվա դրությամբ, մայիսի 20-ին, Հայաստանում հաստատվել է 230 նոր դեպք:



20/05/2020
«Ռադիո Մառնեուլի»
Թարգմ․ ՝ Մարգարիտա Միսկարյան