Ցամաքային սահմանները կբացվեն հունիսի 1-ից, - որոշումն ընդունվել

է Միջգերատեսչական համակարգող խորհրդի նիստում:
Ինչպես նշել է Միջգերատեսչական համակարգող խորհրդի գործառնական շտաբի ղեկավար Գիորգի Ղիբրաձեն, հնարավոր կլինի անցնել սահմանը պատվաստումների ամբողջական փաստաթղթի և PCR բացասական թեստի արդյունքով:
«Ցամաքային սահմանները կբացվեն հունիսի 1-ից: Ցամաքային սահմանները կբացվեն և սահմանը հնարավոր կլինի հատել պատվաստումների ամբողջական փաստաթղթով և PCR բացասական թեստի արդյունքով կամ միայն PCR բացասական թեստի արդյունքներով վերջին 72 ժամվա ընթացքում: Այս դեպքում, անձինք ստիպված կլինեն կրկնակի թեստ հանձնել՝ հետագա 72 ժամվա ընթացքում: Միևնույն ժամանակ, առաջարկություն կա, որ բոլոր այցելուները պետք է ունենան առողջության ապահովագրություն, որը ներառում է նաև կովիդի հետ կապված դեպքերը », - ասել է Գիորգի Ղիբրաձեն:

25․05․2021
«Ռադիո Մառնեուլի»
Թարգմ․ ՝ Մարգարիտա Միսկարյան