Աշխարհը կհաղթի համաճարակը 2022-ի սկզբին, բայց դա չի նշանակում,
որ կորոնավիրուսը կվերանա:
Այս մասին հայտարարել է Առողջապահության համաշխարհային
կազմակերպության եվրոպական տարածաշրջանային գրասենյակի ղեկավար Հանս
Կլիուգեն: Նրա հետ հարցազրույցը հրապարակվել է Die Welt թերթում:
«Կարծում եմ, որ 2021 թվականը կլինի ևս մեկ տարի COVID-19-ի հետ, բայց
հիմա մենք կարող ենք ավելի լավ կանխատեսել և կառավարել
իրադարձությունները: 2020-ին միայն անորոշություն կար ինչպես
առողջության, այնպես էլ քաղաքականության մեջ: Մեկ տարի անց մենք շատ
ավելին գիտենք, մենք ունենք գործիքներ, ախտորոշիչ ծրագրեր,
պատվաստանյութեր: Իմ աշխատանքում նախնական պլանավորում է անհրաժեշտ:
Այնպես որ, կարծում եմ, որ մենք 2020-ին կազատվենք համաճարակից, բայց
դա չի նշանակում, որ վիրուսը կվերանա»:
Առողջապահության համաշխարհային կազմակերպության ղեկավարը կոչ արեց
բոլորին համբերատար լինել պատվաստումների հարցում:
«Իսկզբանե պահանջարկը միշտ գերազանցում է առաջարկը: Անհնար է մոլորակի
բոլոր բնակիչների միաժամանակյա պատվաստումը», - ասել է նա:
Կլիուգեն ասել է, որ ամենայն հավանականությամբ անխուսափելի է, որ
ամռանը Եվրոպայի քաղաքացիները պատվաստման անձնագիր կունենան:
Առողջապահության համաշխարհային կազմակերպության կողմից կորոնավիրուսը
ճանաչվել է որպես համաճարակ `2020 թվականի մարտի 11-ին:
Թոքաբորբի տարածումը Չինաստանում սկսվել է 2019-ի դեկտեմբերին:
Հունվարի 21-ին Չինաստանը հաստատեց, որ կորոնավիրուսը վարակիչ է և
կարանտին հայտարարեց երկրի երկու քաղաքներում:
Վրաստանում կորոնավիրուսի առաջին դեպքը գրանցվել է 2020 թվականի
փետրվարի 26-ին:
05․03․2021
«Ռադիո Մառնեուլի»
Թարգմ․ ՝ Մարգարիտա Միսկարյան