ՆԱՏՕ-ի և Եվրամիության տեղեկատվական կենտրոնը լուծարվում է։ Կազմակերպության լուծարման մասին տեղեկատվությունը տարածում է Մառնեուլիի ուսուցիչ Թեմուր Սուկաշվիլին, որը 6 տարի ղեկավարել է Քվեմո Քարթլիում ՆԱՏՕ-ի և Եվրամիության տեղեկատվական կենտրոնը։ Զբաղեցրած պաշտոնից ազատելու հրամանը Թեմուրին ուղարկվել է մայիսի 30-ին։

«Մեր երկրի և կուսակցության ևս մեկ աննախադեպ հաջողություն։ Եվրամիությանը և ՆԱՏՕ-ին անդամակցելու ճանապարհին ձեռք բերված հաջողություններից հետո ՆԱՏՕ-ի և ԵՄ տեղեկատվական կենտրոնը այլևս անհրաժեշտ չէ։ Մինչ օրս լուծարման մասին հայտարարվում էր, երբ խանութները փակվում էին, և ես այդտեղից  գիտեի։
Հիմա մի փոքր ավելի լուրջ։ Ես ծառայել եմ այս արժեքավոր գործին 6 տարի։ Այս ընթացքում ես այցելել եմ Քվեմո Քարթլիի ավելի քան 100 գյուղ և  մունիցիպալ կենտրոն (Ռուսթավի, Գարդաբանի, Բոլնիսի, Մառնեուլի, Դմանիսի, Ծալկա, Թեթրիծղարո՝ ընդհանուր առմամբ, ես մոտ 300 հանդիպում եմ անցկացրել ՆԱՏՕ-ի և Եվրամիության մասին իրազեկվածությունը բարձրացնելու համար)։ Անձամբ ես՝ Թեմուր Սուկաշվիլին, նույնպես չենք խուսափի այս ազատումից, և ես քիչ թե շատ լավ գիտակցում եմ ապագայում սպասվող ռիսկերը, նախապես պատրաստվում եմ մտավոր և հուզականորեն։ Մի կողմից, ես անհանգստանում եմ մեր երկրի, մյուս կողմից՝ իմ երեխաների համար։ Ի՞նչ են անում այն ​​մարդիկ, ովքեր հրամայել, տվել կամ կատարել են այս լուծարման գործընթացը։  Նրանք ունեն փող, իշխանություն և ռեսուրսների հասանելիություն։ Նրանք կարող են ապահովել իրենց երեխաների անհոգ ապագան՝ չզոհաբերելով նրանց Ռոստովի, Կրասնոդարի, Լոմոնոսովի և համալսարանների համար։ Չնայած մեկուսացմանը՝ անսահմանափակ ռեսուրսներով ամեն ինչ հնարավոր է։ Ի՞նչ կարող ենք ասել։ Ինչպե՞ս կարող ենք մեր երեխաներին ասել, որ նրանց ապագան գողացել են մեզանից։ Որ նրանք մեզ զոհաբերել են անորոշ, մշուշոտ ապագայի համար։ Ինչպե՞ս են նրանք այս երկիրը վերածել ռուսների խաղահրապարակի։ Վստահ եմ, որ այս գրառումը «կտրվի» կամ «կպատճենվի» և կտարածվի։ Հուսով եմ, որ ես չեմ բռնվի այս չափավոր քննադատության համար», - գրում է Թեմուր Սուկաշվիլին սոցիալական ցանցերում։

Ուսուցչի խոսքով՝ կառավարության այս քայլերը ևս մեկ անգամ հաստատում են, որ երկիրը շեղվել է արևմտյան ինտեգրման ուղուց՝ փոխարինելով դեպի Եվրամիություն և ՆԱՏՕ շարժումը Հյուսիսի ազդեցությանը վերադառնալով։

Թարմացում. Վերոնշյալ տեղեկատվությունից հետո Արտաքին գործերի նախարարությունը հայտարարեց, որ ՆԱՏՕ-ի և Եվրամիության վերաբերյալ տեղեկատվական կենտրոնը վերակազմակերպման արդյունքում կտեղափոխվի Կենտրոնական գրասենյակ։

՛Ռադիո Մառնեուլի"
Թարգմ․ ՝ Մարգարիտա Միսկարյան