Marneulinin
İctimai Kitabxanası yeni “Yay mütaliə məktəbi” layihəsinə başlayıb.
Layihədə 6 yaşdan 12 yaşa qədər uşaqlar iştirak edirlər.
Layihə 17 iyulda
başlayıb və tədbir Revaz İnanişvilinin yaradıcılığına həsr olunub.
“Yay mütaliə məktəbində” Sioni, Şaumyani, Sadaxlı və Tsereteli
kəndinin kitabxanaları iştirak edirlər. Layihənin məqsədi
mütaliənin təbliğ olunması və kənd kitabxanalarının
fəallaşdırılmasıdır. “Yay mütaliə məktəbi” bir ay davam edəcək.
Marneulinin İctimai Kitabaxanasının Facebook səhifəsində
yerləşdirilən məlumata əsasən:
• Kitabxanaçı kiçik oxucuya konkret əsəri oxuyacaq və sonra onun
qrupda müzakirəsi (əsərin personajlarının, ideyasının və.s.)
aparılacaq.
• “Yay mütaliə məktəbinin” iştirakçıları müxtəlif yazıçıların
əsərlərini evə aparacaqlar, onunla tanış olacaqlar və sonra qrupda
oxuduqları əsərin təqdimatını edəcəklər.
• Oxuduqları əsərə uyğun olaraq illüstrasiyalar yaradacaqlar.
Hər kəndin kitabxanası üçün uşaq kitabları toplusu alınıb və layihə
həyata keçirmək üçün onlara hədiyyə veriləcək.