Tsulukiani prezidenti polis qatilini əfv etdiyinə görə tənqid edib
Ədliyyə naziri vəzifəsinə namizəd Tea Tsulukiani
prezident Salome Zurabişvilinin polis əməkdaşının qətlinə görə
məhkum olunmuş Ramaz Devadzeni əfv etməsini tənqid
edib.
“Polisin, əsgərin, eskort məmurunun və dövlətin siması
və nümayəndəsi olan şəxsin qətli zamanı yaxşı olar ki, həbsxanadakı
adam əfv edilməsin. Hər halda açıq şəkildə deyə bilərəm ki,
Mariamoba ilə bağlı əfv edilməyə namizədləri Penitensial Xidmət və
Ədliyyə Nazirliyi ilə razılaşdırılmayıb”, –
Tusulukiani 4 sentyabrda deyib.
Prezident 28 avqustda 34 məhbusu əfv edib, onlar arasında Ramaz
Devadze də var. O, Batumili polis Taraş Mukbanianinin qətlinə görə
həbs olunub.
Söhbət 2014-cü ilin 27 dekabrında Batumidə, gecə klubu “Leqas”da
baş vermis 22 yaşlı polisin qətlindən gedir.
Qətl gecəsi polis klubda öz vəzifəsini yerinə yetirmirmiş, ancaq
xidməti silahı üstündə olub. Məhkəmənin qərarına əsasən Taraş
Mukbaniani Ramaz Devadze və yoldaşları ilə mübahisə edib və həmin
vaxt onun silahını əlindən alıblar. Polis əməkdaşı məhz həmin
silahdan açılan atəş nəticəsində dünyasını dəyişib.