15 ay ərzində kontaktsız patrul xidməti
nəticəsində yazılan cərimələrlə dövlət büdcəsinə 1 378 265,7 lari
daxil olub.
DİN-dən "Interpressnews"a verilən məlumata
görə, büdcəyə ən az məbləğ 2018-ci ilin aprelində daxil olub və 8
411 lari təşkil edib.
Ancaq növbəti ayda büdcəyə ödənilən məbləğ radikal şəkildə artıb və
artıq may ayında qayda pozuntuları nəticısində ödənilən məbləğ 38
246 lari təşkil edib. Qeyd edilməlidir ki, ən yüksək göstərici
2019-cu ilin iyununda qeydə alınıb. Konkret olaraq qeyd olunan
dövrdə cərimələr nəticəsində büdcəyə ödənən məbləğ 172 947,5 lari
təşkil edib.
Qayda pozuntularının növlərinə gəldikdə isə statistikaya əsasən ən
çox hallarda dayanma/saxlama qaydalarının pozulması qeydə alınıb.
Bunun üçün inzibati cərimə 10 lari təşkil edir. Konkret olaraq 15
ay ərzində qeyd olunan qanun pozuntusuna görə 92 965 cərimə
yazılıb.
10 mindən artıq halda İnzibati Xətalar Məcəlləsinin 125-ci
maddəsinin 6-cı hissəsi ilə nəzərdə tutulmuş qayda pozuntusuna görə
protokol tərtib olunub. Bundan əlavə 15 ay ərzində bütöv xətti
kəsdiyi üçün 3 262 şəxs cərimələnib.
Mənbə: İnterPressNews