Marneuli meriyası və Bələdiyyə Məclisi müvəqqəti işlər üçün əməkdaş axtarır
“Meriya və Bələdiyyə Məclisi yardım,
müvəqqəti xarakter daşıyan işlər üçün 2 nəfər azərbaycan və gürcü
dillərini yaxşı bilən şəxs tələb edir”, – bu bəyanatı
bu gün, 6 sentyabrda Bələdiyyə Məclisinin iclasında Roman Tabatadze
verib.
Deputat deyib ki, belə şəxslərin tələb
olunmasına son dövrdə fəallaşan əhali səbəb olub.
“Əhalinin meriyaya qarşı tələbləri artır və Bələdiyyə
Məclisində əhalinin müəyyən hissəsi gürcü dilini bilmir və onlarla
başa düşdükləri dildə ünsiyyət qura bilmirik, buna görə də iki
əməkdaş qəbul etmək istəyirik. İşlər müvəqqəti ola bilər, konkret
tapşırıq verə bilərik. Məsələn, gələn vətəndaş dövlət dilini bilmir
və ərizə yazmağa kömək etsin”, – Roman Tabatadze
deyir.
Bələdiyyə Məclisinin bugünkü iclasında cəmi 9 məsələ müzakirə
olunub. Deputatlar məsələlərin hamısını yekdilliklə qəbul
ediblər.