Övladına qarşı zorakılıqda ittiham olunan şəxsə 10 il həbs cəzası verilib
Tbilisi Şəhər Məhkəməsi övladına qarşı
zorakılıqda və işgəncə verməkdə ittiham olunan şəxsi təqsirli bilib
və 10 il müddətinə azadlıqdan məhrumetmə cəzası
verib.
Prokurorluğun məlumatına görə, məhkəməyə təqdim olunan dəlillərlə
təsdiqlənib ki, müttəhim 2019-cu ilin 11 mayında, axşam saatlarında
həddi-büluğa çatmamış şəxsə qarşı zorakılıq törədib və əl və ayaq
nahiyələrinə çubuqla vurub.
“2019-cu ilin 12 mayında müqavimət göstərmək və xahiş
etməsinə baxmayaraq həddi-büluğa çatmamış övladını üzüm talvarının
altında yerləşən xərəyə mindirib, ayaqlarını metal zəncirlə
bağlayıb və talvara bərkidib. Müttəhim övladına qarşı belə
hərəkətləri sosial xidmət əməkdaşları təsadüfən hadisə yerinə gedib
çıxana qədər dövri olaraq 2019-cu ilin 12 və 13 mayında həyata
keçirib”, – Prokurorluğun bəyanatında deyilir.
Hüquq mühafizəçiləri onu 2019-cu ilin 12 mayında Tbilisidə həbs
ediblər. O, Gürcüstan Cinayət Məcəlləsinin 1261-ci maddəsinin 2-ci
hissəsinin “a” bəndi (ailənin bir üzvünün digər üzvünə,
həddi-büluğa çatmamış şəxsə qarşı fiziki ağrıya səbəb olan
zorakılığı) 111,144-cü maddəsinin 2-ci hissəsinin “z” bəndi
(ailənin bir üzvünün həddi-büluğa çatmamış şəxs olduğunu əvvəlcədən
bilərək digər üzvünə işgəncə verməsi, şəxs üçün psixi və mənəvi
əzaba səbəb olan mühitin yaradılması) ittiham olunub və ona həbs
cəzası verilib.
Tbilisi Şəhər Məhkəməsi müttəhimi təqsirli bilib və 10 il müddətinə
azadlıqdan məhrumetmə cəzasına məhkum edib.