20-მდე სკოლაში სწავლა 2 კვირის დაგვიანებით დაიწყება
12:46 / 12.09.2019
სარეაბილიტაციო სამუშაოების გამო 20-მდე სკოლაში
სწავლა 16 სექტემბერს არ დაიწყება.
როგორც საქართველოს განათლების, მეცნიერების, კულტურისა და სპორტის
სამინისტროს მიერ გავრცელებულ განცხადებაშია ნათქვამი, აღნიშნულ
სკოლებში სასწავლო წელი 2 კვირის დაგვიანებით დაიწყება, გაცდენილი
საათები კი შაბათი დღის ხარჯზე ანაზღაურდება.
ახალი სასწავლო წლისთვის, სრული და ნაწილობრივი რეაბილიტაცია მთელ
საქართველოში, 700-მდე სკოლაში განხორციელდა.
სასწავლო წელი 16 სექტემბერს დაიწყება.
წყარო: bm.ge