Marneulili şagirdlərin müəyyən hissəsinə cırılmış və yazılmış kitablar paylayıblar
Cırılmış
kitablar, qələmlə yazılmış iş dəftərləri, həll edilmiş tapşırıqlar
– Marneulinin məktəblərində şagirdlərə verilən kitablar bu
vəziyyətdədir.
Dərsliklərin bir hissəsi faktiki olaraq
yararsızdır.
Valideynlər və şagirdlər müsahibə verməkdən imtina etsələr də,
söhbət zamanı bildirdilər ki, məktəblərdə hər il vəziyyət eynidir.
Nəsildən nəslə ötürülən kitabları dəyişmək və öz xərcləri ilə
yenisini almaq üçün valideynlərin maddi imkanı yoxdur.
"Kitablar köhnədir, hamısı cırılıb, uşaqlar
belə necə oxusunlar? Biz nisbətən yaxşı kitablar
seçmişik", - valideyin deyir.
"Yeni dərsliklər istəyirik, kitablar çox pis vəziyyətdədir.
Ümid edirik yeniləri olacaq", - valideyin deyir.
Problemi pedaqoqlar da görür. Müəllimlərdən biri gizliliyi qorumaq
şərti ilə bizimlə söhbət etdi.
“Ümumiyyətlə kitab və dəftərdən söhbət gedirsə,
hamı nəzərə almalıdır. Təsəvvür edin ki, yazılanları silməli
olacaqsınız, amma yenə də yazılar görünür. Uşaqların oxumaq həvəsi
də qalmır”, - müəllim
deyir.
Marneulinin məktəblərindən birinin müəllimi qeyd edir ki, özləri də
problem qarşısında qalıblar. Hələ ki, müəllim kitabı yoxdur və
proqram materialını kitabdan tədris etmək imkanları yoxdur. Yerli
Təhsil Resurs Mərkəzi bir neçə günə köməkçi dərsliklər göndərəcək.
Resurs Mərkəzinin direktoru vaxtı olmadığına görə “Marneuli”
radiosuna müsahibə verə bilmədi.
Təhsil Nazirliyinin Tədris və Elmi İnfrastrukturun İnkişafı
Agentliyinin direktorunun birinci müavini Qiorqi Şalutaşvili deyir
ki, məktəbin rəhbərliyi kitabların dəyişdirilməsinin qayğısına
qalmağa məcburdur. Onlar yararsız kitabları qeydə almalı və
götürməlidirlər.
“Əgər sizin gözünüzə cırılmış kitablar dəyibsə,
rəhbərlik bunu etməli deyildi, çünki nazirliyin xüsusi sərəncamı
var ki, bu da dərsliklərin yararlı olub olmamasını, ikinci il ondan
istifadə etmək hüququnu tənzimləyir. Məktəb yararlı olan kitabları
saymalıdır, elektron formada bizim məlumatın idarə edilməsi
sisteminə verməlidir və şagirdlərin sayına əsasən rəsmi olaraq
alınmalı olan dərsliklərin sayını göndərməlidirlər” -
Qiorqi Şalutaşvili.
Bizdə elə təəssürat yaranır ki, müsahibə verməkdən çəkinən
Marneulinin ictimai məktəbinin direktoru bu tənzimləmə haqqında heç
nə bilmir və ümid edir ki, “kitabları gətirəcəklər”.
"Yeni kitablar da aldıq və köhnələr də var idi,
uşaqlara payladıq. 100 dənə gürcü dili kitabı aldıq, indi qeydiyyat
edəcəyik və paylayacağıq. İbtidai siniflərdə riyaziyyat və
təbiətşünaslıq dərsliklər problemdir. Ümid edirik ki,
olacaq" - məktəb drektoru deyir.
Təhsil Nazirliyinin nümayəndəsi qeyd etdi ki, dərsliklərin qiyməti
bahalaşıb və buna larinin inflyasiyası səbəb olub. Buna baxmayaraq,
əgər məktəblər yeni kitab tələb etsələr, nazirlik lazımı sayda
kitabla onları təmin edərdi. İndi isə valideynlər və ya özləri
bahalaşmış qiymətə dərslikləri almalı olacaqlar, yaxud şagirdlər
faktiki olaraq yararsız kitablardan istifadə edəcəklər.