Meriya Şaumyani kəndində Şulaveri çayı
üzərindəki köhnəlmiş körpünün sökülməsi və yeni körpünün inşa
edilməsinə 734 820 lari xərcləyəcək.
Marneuli meriyası tərəfindən elan edilmiş tenderdə qeyd olunduğuna
görə, Levan Samxarauli adına Məhkəmə Ekspertizası üzrə Milli Büro
tərəfindən təsdiq edilib ki, qeyd olunan körpü istismar üçün
yararsızdır.
“Yeni, əsaslı körpünün qurulması işlərinin həyata
keçirilməsi, avtomobil yolunda körpünün, hərəkət etmək üçün yolun,
tənzimləyici və qoruyucu tikililər də daxil olmaqla yeni körpü
keçidinin tikilməsini nəzərdə tutur”, – körpünün
inşası layihəsində qeyd olunub.
Meriya Marneuli bələdiyyəsinin Şaumyani kəndində köhnəlmiş,
Şulaveri çayı üzərindəki köpünün sökülməsi və yeni körpünün
salınması işləri üçün tenderi 3 oktyabrda elan edib. Tenderdə
iştirak etmək istəyən şirkətlər 19 oktyabrdan 24 oktyabra qədər
müraciət edə bilərlər.