Marneulidə odlu silahdan açılan atəş nəticəsində iki nəfər yaralanıb
Bu gün, 10
oktyabr tarixində Marneulinin mərkəzi küçəsində üç əl atəş
açılıb.
Atəş
nəticəsində iki nəfər yaralanıb. “Geo Hospitals”-dan “Marneuli”
radiosuna verilən məlumata görə, hər iki şəxs ayaq nahiyəsindən
yaralanıb. Yaralılardan bir hələ əməliyyatdadır, digərinin
vəziyyəti isə qənaətbəxşdir.
Daxili İşlər Nazirliyindən “Marneuli” radiosuna verilən məlumata
görə, faktla bağlı Cinayət Məcəlləsinin 118-ci maddəsi ilə istintaq
aparılır. Həmin maddə sağlamlığa qəsdən qismən ağır zərər vurmanı
nəzərdə tutur.
Hadisə Rustaveli küçəsində, poçt yaxınlığında yerləşən çayxana
ərazisində baş verib. Çayxana əməkdaşının “Marneuli” radiosuna
verdiyi məlumata görə, yeddi nəfərədək kişi çayxananın qarşısında
otururmuş və naməlum şəxslər onlara atəş açıblar.
Şahidlərin sözlərinə görə, naməlum şəxslər üç dəfə atəş
açıblar.