“Vətəndaşlar” partiyasının lideri Aleko Elisaşvili, Nika Melia'nın
girov məbləğini maaşından köçürməyə hazır olduğunu söyləyib.
Elisaşvili bu barədə Melianın toxunulmazlığının qaldırılması
məsələsinin müzakirə ediləcəyi parlamentdə danışıb.
Elisaşvilinin sözlərinə görə, "Vətəndaşlar" Meliyanın
toxunulmazlığının qaldırılmasını dəstəkləməyəcək.
“Biz bunu dəstəkləmirik, çünki kim olursa olsun
müxalifət partiyasının liderinin toxunulmazlığının dayandırılması
düzgün deyil.
Nikaya gəldikdə, mənə müraciət etdi və efirdə dedi ki, girov
haqqını bir dəfə ödəyəcəyəm, indi məndən yenə ödəməyimi tələb
edirlər ancaq girov məbləğini ikinci dəfə ödəmək üçün həqiqətən bu
qədər pulum yoxdur. Aydın məsələdir ki, heç kimdə iki dəfə 30 min
lari ödəmək üçün pul yoxdur. Hərçənd maaşımı köçürməmişəm amma
Nikaya olan insani münasibətimi nəzərə alsaq, öz maaşımdan ödəməyə
hazıram. Nə qədər olduğunu bilmirəm, amma insani olaraq buna
hazıram, – deyə Elisaşvili vurğulayıb.