"Bu, Baş nazirin səlahiyyətidir, hər hansı bir fəalın
mitinqdə səsləndirdiyi tələblə olmur", – deyə
İqtisadiyyat naziri Natia Turnava Namaxvan SES əleyhdarlarının onun
istefası tələbinə münasibət bildirib.
Eyni zamanda, Turnavanın sözlərinə görə, aksiya ekologiya
məsələlərindən kənara çıxıb və burada əsasən siyasi tələblər
səsləndirilib.
"Əvvəla, demək istəyirəm ki, bu etiraz hərəkatı
getdikcə daha çox radikallaşır və bunu dünənki mitinqdə sırf siyasi
tələblərinin olması, ekologiya, layihə məsələləri ilə əlaqəli
olmaması sübut edir. Burada tamamilə siyasi tələblər səsləndirildi.
Əlbəttə ki, ultimatum dili bizim üçün qəbuledilməzdir.
İstefa və ya təyinata gəlincə, hər kəsə xatırlatmaq istərdim ki,
Gürcüstan hökuməti üzvünün işdən çıxarılması və ya təyin edilməsi
Baş nazirin səlahiyyətidir və hər hansı fəalın səsləndirdiyi
tələblə olmur. Ancaq yenə də demək istəyirəm ki, əhali və
mütəxəssislərə çox vacib təkliflər və həllər təqdim etdik.
Uçurulsun, sərmayədar qovulsun, iş dayandırılsın, tikməyək,
qurmayaq və s. - kimi çağırışlar xüsusən də pandemiya ilində
yersizdir. Hamımız inkişaf üçün çalışmalıyıq", – deyə
Natia Turnava bildirib.