Kvemo Kartli qubernatoru Şota Rexviaşvili region əhalisini Novruz
bayramı münasibəti ilə təbrik edib və pandemiya dövründə tətbiq
edilmiş tənzimləmələrə riayət etdiklərinə,
yüksək vətəndaşlıq məsuliyyətinə görə etnik Azərbaycanlı əhaliyə
xüsusi minnətdarlıq bildirib.
"Ölkə vətəndaşlarını, etnik Azərbaycanlıları yaz
bayramı - Novruz bayramı münasibəti ilə təbrik edirəm. Novruz
bayramınız mübarək olsun. Mən hamıya uğur, inkişaf arzu edirəm.
Bizim ənənəvi olaraq Novruz bayramını qeyd etmək üçün bölgədə çox
geniş miqyaslı tədbirlərimiz var. Ancaq iki ildir ki, ölkədə
yaranmış pandemiyaya və tənzimləmələrə görə tədbirləri qeyd edə
bilmirik. Hamı yaxşı xatırlayır ki, bu bayramı ölkənin birinci
şəxsləri ilə birgə qeyd edirdik. Mənim yerli əhali ilə daim
ünsiyyətim var. Onlar bu problemi tam başa düşürlər - göstərdikləri
yüksək dərəcədə vətəndaşalıq anlayışı və dövlət yanaşmasına görə
onlara bir daha minnətdarlığımı bildirmək istəyirəm. Bir daha
bayramlarını təbrik edirəm," – Şota Rexviaşili
bildirdi.