Batumidəki mitinqin təşkilatçılarından biri olan "Utancdır"
hərəkatı fəalı Qiqa Makaraşvili 2000 lari məbləğində cərimələnib.
O, mətbuata verdiyi açıqlamada cəriməni ödəməyəcəyini, çünki
"komendant saatı" konstitusiyaya uyğun olmadığı üçün, ona tətbiq
olunan sanksiyanın da konstitusiyaya uyğun olmadığını qeyd
edib.
Makaraşvili, polisin qanunları tətbiq edərkən ayrı-seçkilik
etdiyini iddia edib və bildirib ki, polis, tənzimləmələri pozan bir
"Gürcü Arzusu" tərəfdaşını cərimələməyib və bütün bunların mətbuat
tərəfindən lentə alındığını da əlavə edib.
Digər fəalların verdiyi məlumata görə, Makaraşvilidən başqa daha 2
nəfər cərimələnib. Hüquq-mühafizə orqanları digər etirazçıların da
cərimələnəcəyini bildiriblər.
"Mən qəsdən seçildim, güman edirəm, belə bir sifariş
verilib. Bunun üçün nə qəbz almayacağam, nə də cəriməni
ödəməyəcəyəm, bu bir təxribatdır", – deyə VMH üzvü
Solomon Bacelidze bildirib.
Acarıstan Patrul Polisi Baş İdarəsinin rəisi Davit Mağradze, "hələ
cərimə olunmayan və qanunu pozanlar müəyyənləşdirilib
cərimələnəcəklər",- deyə bildirib.
"Utancdır" təşkilatı Batumidədir və vətəndaş fəallar daha bir
itaətsizlik mitinqi keçirirlər. Koronavirus əleyhinə qoyulan bir
sıra məhdudiyyətlərə, xüsusən də axşam 9-dan sonra hərəkətin
məhdudlaşdırılmasına yəni "komendant saatına" etiraz edirlər.
"Utancdır"-ın fəalı Zuka Berdzenişvili, tələblərinin "komendantını
sona çatdırmaq, zorakılığa son qoymaq" olduğunu söyləyib.
Polisin aprelin 3-də Batumidə mitinqə gələrək aktivistləri həbs
etməsini xatırladıb və aktivistlərin bədənlərində çox sayda
xəsarətlər olduğunu söyləyib. Həqiqi cinayətkarların deyil,
aktivistlərin müttəhim skamyasında oturmalarının ağlasığmaz
olduğunu söyləyib.