14 iyun tarixində “Mtavari” kanalının efirində Qiorqi Qabunia ilə
müsahibə zamanı “Gürcü Arzusu” partiyasının sədri İrakli Kobaxidze
Dmanisi bələdiyyəsində baş vermiş münaqişəyə rəy bildirib.
Demək olar ki, Kobaxidze bir növ münaqişənin etnik zəmində olduğunu
etiraf edib.
“Siz xatırlayırsınız ki, Dmanisidə ağır hadisə baş
vermişdi və növbəti gün vəziyyət qaydasına salındı. Hər şey
barışıqla bitdi. Buna hakimiyyətin müxtəlif nümayəndələri eləcə də
DİN qoşulmuşdu. Orada ikitərəfli hadisələr baş verirdi. Emosional
məsələ idi. Müxtəlif etnik mənşəli adamlar bir-biri ilə münaqişə
edirdi. Ağır hadisə idi. İş üçün mühüm idi ki, bunların hamısı
barışıqla bitsin və belə də oldu”, – Kobaxidze
dedi.
Kobaxidzenin sözlərinə “Salam” platformasının təsisçilərindən biri
Kamran Məmmədli münasibət bildirdi. O, qeyd etdi ki, siyasi
liderlərin Dmanisi hadisəsinin etnik əlamətlə baş verdiyini istisna
etsə də Kobaxidzenin bəyanatı komanda üzvlərinin fikrinə ziddir və
bir növ etirafdır. Mədmmədlinin sözlərinə görə, əgər siyasi baxıç
səviyyəsində “Gürcü Arzusu” dərk edibsə ki, münaqişənin etnik
xəttləri var idi, o zaman bunun üçün xüsusi addımlar atılmalıdır,
işlənməlidir və yerində həmrəylik məkanlarının yaradılması üçün
daha artıq resurs sərf olunmalıdır.
“Yəqin Kobaxidzenin çıxışı qərar verən və vəzifədə olan
adamların fərqli mövqe göstərəcəyinə işarədir. Nazirlər indiyə kimi
bu sadəcə məişət zəminində baş vermiş münaqişədir deyirdilərsə,
Kobaxizenin komanda üzvlərindən fərqli olaraq belə çıxış etməsi
aydın deyil. Mən hesab edirəm ki, bu həqiqətən də məişət zəminində
baş vermiş münaqişə idi. Sonradan isə geniş miqyaslı hadisəyə
çevrildi. Reallıq bu idi ki, bir-birini qarşı olan qruplar arasında
ayrılıq xətti etnik əlamət idi. Bir tərəfdə etnik gürcülər digər
tərəfdə etnik Azərbaycanlılar dururdu. Demək olar hadisədən bir ay
ötüb və bu qədər vaxt ərzində belə çıxış etmək düşünürəm problemin
etiraf edilməsidir ki, münaqişə etnik zəmində baş vermişdi. Məişət
zəminində başlamışdı, ancaq bunun etnik zəmində olduğunu etiraf
edirlərdə i zaman dövlət qurumlarının bu barierlər və gərginliyi
aradan götürməsi üçün işləməsi mühümdür. Yerində və milli səviyyədə
elə siyasət aparaq ki, etnoslar arasında kommunikasiyaya,
münasibətlərin gücləndirilməsinə dəstək
olsun”.
Sosial Ədalət Mərləzinin təsisçisi Tamta Mikeladze hesab edir ki,
İrakli Kobaxidze tərəfindən edilən dünənki qiymətləndirmə ona qədər
nazirlərin etdiyi qiymətləndirmələrə müəyyən qədər ziddir.
“Bu fiqurların qiymətləndirməsi əvvəldən də problemi
idi. Ona görə ki, onlar problemi sıxışdırdılar. Danışırdılar ki,
yalnız məişət zəminində baş vemriş münaqişə idi. Ancaq Dmanisidə
spontan və xaotik, zorakı hadisələr baş verirdi. Bu münqaişəyə
qoşulmuş tərəflər məhz etnik işarə təşkilatlamışdılar. Aydındır ki,
bizi danışdıran bu münaqişənin məişət zəminində baş verməsi və
sonradan etnik kontekstə çevrilməsidir. Bu barədə danışmaq bu gün
vəziyyəti gərginləşdirməyimiz üçün deyil, bu məsələyə daha geniş
baxmağımız, dövlətin uzunmüddətli transformasiyası, icmalar arası
münasibətlərin bərpası və əməkdaşlığa istiqamətlənmiş siyasəti
tələb etmək üçün mühümdür”
Qeyd etmək lazımdır ki, Dmanisi bələdiyyəsində münaqişə 16-17 may
tarixində baş vermişdi.