"Gürcü Arzusu" təşkilatının sədri İrakli Kobaxidzenin sözlərinə
görə, "Mtavari Arxinin" direktoru Nika Qvaramianın, Dövlət
Təhlükəsizliyi Xidmətinin siyasətçiləri, jurnalistləri, QHT-ləri və
diplomatik korpus üzvlərini,
eləcə də hakim komandanın üzvlərini izlədiyini barədə dedikləri
"nağıldır".
Kobaxidzenin sözlərinə görə, DTX-nın onu dinləmədiyinə əmindir.
"N. Q.-nın nağıllarını və fantaziyalarını şərh edə
bilmərik. Əsassız olaraq eşitdiyimiz bəzi söyləntilər var, bəzi
fantaziya məhsulu fikirlər var. Özləri keçmişdə camaatı
dinlədikləri üçün, o günlərdən çıxa bilməyiblər, sanırlar ki, yenə
dinlənilirlər. Nika Qvaramia keçmiş günlərdən çıxa bilməyib, buna
görə də bütün bu söhbətlər qeyri-ciddidir", - deyə
Kobaxidze bildirib.
Dünən, avqustun 1-də "Mtavari Arxinin" direktoru, DTX-nın gizli və
qeyri-qanuni şəkildə siyasətçiləri, QHT nümayəndələrini,
jurnalistləri və iş adamlarını izlədiyini və şəxsi həyatı haqqında
qeydlər topladığını bildirib.
Qvaramianın sözlərinə görə, belə yazılardan biri qeyri-hökumət
təşkilatlarının nümayəndələri Qiorqi Mşvenieradze ilə Qiorqi Oniani
arasındakı söhbətlə bağlı olub. Bu söhbətin mövcudluğunu təsdiq
ediblər. Lakin Kobaxidzenin sözlərinə görə, Qiorqi Mşvenieradzenin
təsdiqinin "dəyəri yoxdur".
"Mşvenieradze və Qvaramia bir siyasi partiyanın
üzvləridir və buna görə də Melia onları şahid olaraq gətirdi,
cəmiyyətdə onların sözü keçmir, onların dediklərinin bir dəyəri
yoxdur", - deyə Kobaxidze bildirib.
İstintaq orqanları qanunsuz izləmə və dinləmə ilə bağlı iddialar
haqqında hələ məlumat yaymayıb.