Milli Ətraf Mühit Agentliyi sentyabrın 16-a olan hava proqnozunu
açıqlayıb.
Agentliyin məlumatına görə, gələn həftə Gürcüstanda əsasən isti
hava gözlənilir.
Sentyabrın 10-da Gürcüstanda isti və əsasən yağmursuz hava şəraiti
davam edəcək. Havanın temperaturu +24, +29 dərəcə olacaq.
Sentyabrın 11-də, günün sonundan 13 sentyabra qədər Gürcüstanda
(əsasən ölkənin qərb hissəsində) qısamüddətli yağış yağacağı və
şimşək çaxacağı, bəzi yerlərdə dolu yağacağı ehtimalı var.
Sentyabrın 12-də hava temperaturu +21, +26 dərəcəyə enəcək,
sentyabrın 13-dən isə Qərbi və Şərqi Gürcüstanda +24, +29 dərəcəyə
qədər istiləşəcək.
Sentyabrın 10-11-də Tbilisidə yağmursuz hava şəraiti olacaq.
Sentyabrın 12-də qısamüddətli yağış yağacağı gözlənilir. Havanın
temperaturu +26, +28 dərəcə olacaq. Sentyabrın 13-16-da ölkənin
əksər yerlərində isti hava şəraiti gözlənilir.