Marneuli bələdiyyəsində uşaq bağçası uşaqların valideynləri bağçaya
dəftərxana ləvazimatları və gigiyenik vasitələri özlərinin aparmalı
olcağından narahatdırlar. Nona Samxaradze bu barədə ictimai şəkildə
danışan yeganə valideyndir.
O, şəxsi “Facebook” səhifəsində paylaşım edərək Marneuli meriyasını
məsələni həll etməyə çağırıb. Nona uşağını "Çiora" uşaq bağçasına
aparır. O, bildirdi ki, bu yalnız bir bağçanın problemi deyil və
başqa bağçaların valideynlərindən də belə narahatçılıq eşidib.
"Bu gün, Aleksandre mənə dedi ki, bağçaya dəftərxana
ləvazimatları və gigiyenik vasitələr aparmalıyam. Mən alaram, hətta
əlavə bir uşaq üçün də alaram! Amma!
Nə dəyişdi, əvvəl pulları var idi, indi isə bağçaya bildiribsiniz
ki, pulunuz yoxdur? Yoxsa Marneulidir və başqa çox məsələlərdə
olduğu kimi "olar". Bu məsələ ilə bağlı Bələdiyyə Məclisinin hər
hansı qərarı varmı ki, daha bu ləvazimatları
almayacaqsınız?" – Nona Samxaradze yazıb.
Qeyd olunan ləvazimatları almaq Marneuli Uşaq Bağçaları Birliyinin
öhdəliyidir və bələdiyyədəki bağçalara paylayır. Nə üçün "Çioraya"
valideynlərin yardımı lazım gəlib? Bu faktı bağçanın rəhbəri
Ketevan Minadze "kiçik maneə" ilə açıqlayır.
"Bilirsiniz bu nə idi? Bəzi əşyalar gətirilməyib, bir
qismi qalıb. Məsələn, dünən, 14 oktyabr tarixində, gətirdilər.
Müəllimlərə dedim ki, gözləyək, ancaq bəziləri gözləməyib,
valideynlərə deyiblər. Hər şey dünən gətirildi. Qızlar yalnız ən
axırıncı qrupda deyiblər. Bizim işə başlamağımlza iki-üç gün əvvəl
qərar verildi. Başlayıb-başlamadığını bilmirdik. Bu mane oldu.
Yoxsa biz ləvazimatları ilin sonunda alırıq və saxlayırıq. Bu il
həqiqətən belə oldu. Ancaq gətirdilər."
Marneuli Uşaq Bağçaları Birliyi bu kimi faktları araşdırmağı
planlşdırır. Mərkəzin rəhbəri Zaur Kərəmov "Marneuli" radiosu ilə
söhbəti zamanı bildirdi ki, gigiyena vasitələrinin və dəftərxana
ləvazimatlarının valideynlərə tapşırılması qadağandır. Birdəfəlik
nəmli salfetlərin bağçaya aparılması yolverilməzdir. Kərəmovun
sözlərinə görə, 15 oktyabr tarixindən, bağçalarda monitorinq
aparılacaq.
"Valideyn heç bir ləvazimat gətirmək öhdəliyi daşımır.
Olmaz. Bizim rəhbərlik tərəfindən bu qadağan edilib. Nə isə tələb
etmək olmaz. Məsələn, əgər nəm salfet istəyirlərsə, bunun
gətirilməsi ümumiyyətlə, qanunla qadağandır. Bağçada quru salfet
var, ondan istifadə edirlər. Bu barədə artıq mən də məlumat
almışam. 15 oktyabrdan monitorinq qrupu fəaliyyətə başlayacaq. Əgər
bu məlumat təsdiqlənərsə, müvafiq ölçülər götürəcəyik. Hansı
bağçanın və müəllimin bunu tələb etdiyini öyrənəcəyik və lazımı
ölçülər götürüləcək. Əvvəlcədən nə edəcəyimizi deyə
bilmərəm."
Marneuli Uşaq Bağçaları Birliyi hansı ölçülər götürəcək, bu hələ
məlum deyil. Təfərrüatlar aydınlaşdırıldığı halda material
yenilənəcək.