Hindistanın ən zəngin sahibkarı və investoru Qautam Adani
“Forbes”in milyarderlər reytinqində “Microsoft”un qurucusu Bill
Qeytsi geridə qoyub.
Dünyanın ən zəngin insanlarının reytinqində Adani 115,8 milyard
dollar dəyərində sərvətlə dördüncü, Qeyts isə 105,3 milyard
dollarla beşinci yerdədir.
Ən zəngin və nüfuzlu hindistanlı iş adamının sərvət mənbəyi
infrastruktur, nəqliyyat, enerji, müəssisələr, mədənçıxarma, hava
limanları və dəniz limanları sahələrində təmsil olunan
şaxələndirilmiş konqlomerat Adani Groupdur.
Adani Group-un çətiri altında hazırda yüzə yaxın törəmə şirkət var
və holdinqin əsas investisiya sahəsi infrastruktur və
enerjidir.
Adani son on ildə 115 milyard dollarlıq sərvətinin əsas hissəsini
qurmağı bacarıb və təkcə bu il onun sərvəti Adani Qrupunun törəmə
şirkətləri tərəfindən istehsal olunan məhsulların dünya miqyasında
artan qiymətləri səbəbindən təxminən 30 milyard dollar artıb.
Qeyd edək ki, Hindistanın ən zəngin iş adamı ölkə hökuməti ilə
yaxın münasibətdədir. Baş nazir Narendra Modi və Qautam Adani uzun
illərdir dostdurlar və Adani Qrupunun özü Hindistanın ən böyük
infrastruktur və enerji layihələrində fəal iştirak edir.