Gürcüstan Prezidenti Salome Zurabişvili Rusiyanın Ukraynanın
paytaxtı Kiyev şəhərinə və vilayətlərinə son raket hücumunu
pisləyib.
O, tviterdə yazıb:
"Bu, dəhşətli xəbərdir. Mülki insanlara qarşı hücum
qorxu yaratmaq cəhdidir. Amma dünya Ukrayna xalqının qətiyyətini
gördü”.
S.Zurabişvili Gürcüstan dövləti və xalqının Ukraynanın yanında
olduğunu bir daha xatırladıb.
Qeyd edək ki, bu gün səhər saatlarında Rusiya Ukraynanın paytaxtı
Kiyevə, həmçinin Jitomir, Xmelnitsk, Ternopol, Dnepr və Lvov
vilayətlərinə raket zərbələri endirib. Raketlərdən biri Ukrayna
Prezidenti Volodimir Zelenskinin ofisinin yaxınlığına düşüb.
Məlumata görə, təkcə Kiyevdə 8 nəfər ölüb, 30 nəfər yaralanıb.
Mənbə: report.az