Daxili İşlər Nazirliyinin əməkdaşları tərəfindən həyata keçirilmiş
əməliyyat-axtarış tədbirləri nəticəsində müxtəlif vaxtlarda
Tbilisi,
Kvemo Kartli, Şida Kartli və Acarıstanda 5 nəfər yaxalanmış,
qanunsuz dövriyyədə olan odlu silah-sursat maddi sübut kimi
götürülüb.
Tbilisi Polis İdarəsinin İsani-Samqori Baş Bölməsinin əməkdaşları,
1988-ci il təvəllüdlü, əvvəllər məhkum olunmuş Q.Ç. -nı qanunsuz
odlu silah əldə etmək və saxlamaqda ittiham edərək saxlayıb.
Hakimin hökmü əsasında polis saxlanılan şəxsin evinə baxış
keçirərkən maddi sübut kimi avtomat silah və ağızlıq çıxarıb.
Kvemo Kartli Polis Departamentinin Marneuli rayon şöbəsinin
əməkdaşları xarici ölkə vətəndaşı - 1980-ci il təvəllüdlü M.G.-ni
saxlayıblar. O, qanunsuz olaraq odlu silah və döyüş sursatı almaq,
saxlamaq və gəzdirmək ittihamı ilə saxlanılıb. Hüquq-mühafizə
orqanlarının əməkdaşları M.G. -nı maşın sürərkən saxlayıblar. Onun
şəxsi axtarışı nəticəsində polis əməkdaşları tərəfindən maddi sübut
kimi 1 ədəd Makarov sistemli odlu silah, 1 ədəd ağızlıq və 11 ədəd
patron götürülüb.
Qanunsuz olaraq odlu silah və döyüş sursatı əldə etmək, saxlamaq və
gəzdirməkdə təqsirli bilinən, əvvəllər məhkum olunmuş 1999-cu il
təvəllüdlü S.A.-nın şəxsi axtarışı nəticəsində Qardabani rayon
şöbəsinin əməkdaşları tərəfindən kustar üsulla hazırlanmış tapança
götürülüb.
Şida Kartli Polis İdarəsinin Xaşuri rayon şöbəsinin əməkdaşları,
1974-cü il təvəllüdlü Z.G. -nı saxlayıblar. O, qanunsuz olaraq odlu
silah və döyüş sursatı, o cümlədən narkotik maddə əldə etmək və
saxlamaqda ittiham olunur. Xaşuri bələdiyyəsinin hüquq-mühafizə
orqanlarının əməkdaşları tərəfindən təqsirləndirilən şəxsin evində
və yardımçı anbarlarda hakimin hökmü əsasında aparılmış axtarış
nəticəsində maddi sübut kimi götürülüb: AK 74 markalı avtomat odlu
silah, 100 patron, 3 ədəd ağızlıq. , narkotik vasitə olan
"Suboxin", habelə sübut kimi "marixuana"nı çıxarıblar.
Acarıstan Polis Departamentinin Xelvaçauri Rayon Şöbəsi və Maliyyə
Nazirliyinin Gəlirlər Xidmətinin Gömrük İdarəsinin əməkdaşları
birgə keçirdikləri əməliyyat-istintaq tədbirləri nəticəsində
qanunsuz olaraq odlu silah-sursatın əldə edilməsi, saxlanması və
gəzdirilməsi və Gürcüstana qanunsuz odlu silah idxalı faktı aşkar
ediblər. Polis, 1989-cu il təvəllüdlü A.B.-nı sözügedən cinayətə
görə Xelvaçauridə saxlayıb. Hüquq-mühafizə orqanlarının əməkdaşları
təqsirləndirilən şəxsin idarə etdiyi mikroavtobusun yoxlanılması
nəticəsində maddi sübut kimi tapança, 12 ədəd patron və odlu
silahın detalları götürüblər.
İstintaq Gürcüstan Cinayət Məcəlləsinin 236, 214, 260 və 273-cü
maddələri ilə aparılır.
Mənbə: police.ge