İşğal altında olan Qali rayonunun Saberio kəndində baş vermiş yanğında ölən 5 uşağın faciəsi ilə əlaqədar bu gün, 9 yanvar tarixində Gürcüstanda matəm günüdür.

Bu gün səhər saatlarından etibarən matəm günü ilə əlaqədar bütün ölkə ərazisində yerləşən inzibati binalarda, o cümlədən Marneuli meriyasının binasında dövlət bayrağı endirilib.

Uşaqlar bu gün, 9 yanvar tarixində torpağa tapşırılacaqlar.

Faciə 5 yanvar tarixində Çolariaların Saberiodakı evində yanğın nəticəsində baş verib. Yeni il gecəsi Zuqdidi bələdiyyəsindən getmiş nənə və beş nəvə evdə olub. Ehtimal olunur ki, yanğın odun sobasını yandırmaq istəyərkən benzindən düzgün istifadə edilməməsi səbəbindən baş verib. Taxta ev tamamilə yanıb, uşaqları xilas etmək mümkün olmayıb.

Ölənlərin ən böyüyü 8 yaşlı qız uşağı, ən kiçiyi isə 8 aylıq olub. Uşaqların nənəsi yanıq xəsarətləri ilə Kutaisi Referal Xəstəxanasına yerləşdirilib. Onun vəziyyəti stabil ağırdır.
Qeyd edək ki, 6 yanvar tarixində işğal olunmuş Abxaziyada da matəm günü elan edilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---