მარნეულის მუნიციპალიტეტის მერიის მიერ ბალანსზე რიცხული სამი ამორტიზებული ავტომობილის გასხვისებაზე გამოცხადებული ელექტრონული აუქციონები დასრულდა.

სახელმწიფო ქონების ეროვნული სააგენტოს პორტალზე (eauction.ge) გამოქვეყნებული შედეგების მიხედვით, მუნიციპალიტეტმა მხოლოდ ერთი სატრანსპორტო საშუალების გაყიდვა შეძლო, ხოლო ორზე აუქციონი ჩაიშალა.


• VAZ 21214 („ნივა“, 2007 წლის გამოშვება) - გაყიდულია
შედეგი: სამი გამოტანილი ავტომობილიდან მერიამ მხოლოდ „ნივას“ გასხვისება შეძლო.
საბოლოო ფასი:

მყიდველმა ავტომობილი აუქციონზე 1 575 ლარად შეიძინა (საწყისი ფასი 1 470 ლარი იყო).

• Honda CR-V (2005 წლის გამოშვება) - აუქციონი არ შედგა
პირობები: მაღალი გამავლობის ავტომობილის საწყისი გასაყიდი ფასი 2 100 ლარს შეადგენდა (პირველადი შეფასების თანხა - 4 200 ლარი).
შედეგი: ვაჭრობა არ შედგა, რადგან მონაწილეების მხრიდან ინტერესი არ დაფიქსირდა.

• Toyota Camry (2008 წლის გამოშვება) - აუქციონი არ შედგა
o პირობები: სედანის საწყისი ფასი 5 250 ლარით განისაზღვრა (პირველადი შეფასების თანხა - 10 500 ლარი).
o შედეგი: Honda CR-V-ის მსგავსად, მუნიციპალიტეტმა ვერც Toyota Camry-ის გაყიდვა შეძლო - აუქციონი უშედეგოდ დასრულდა.

აღსანიშნავია, რომ აღნიშნული სატრანსპორტო საშუალებები მერიას აუქციონზე უკვე განმეორებით (ფასდაკლებული/ვადაგაგრძელებული აუქციონის წესით) ჰქონდა გამოტანილი.