Müdafiə Nazirliyi Marneulili əsgərə qarşı hərbçilər tərəfindən törədildiyi iddia edilən zorakılıqla bağlı bəyanat yayır
Marneulili əsgər Kazım Qəhrəmanov bildirir
ki, onu Krtsanisi təlim mərkəzində
döyüblər.
Kazımın sözlərinə görə ondan pul tələb
ediblər. Etiraz etdiyi halda isə onu döyüblər. Əsgərin göz
nahiyəsində göy ləkə görünür.
Mediyada yayımlanan məlumatdan sonra Müdafiə Nazirliyi bəyanat
yayımlayıb. Bəyanatı olduğu kimi sizə təqdim edirik:
Gürcüstan Müdafiə Nazirliyinin bəyanatı:
Media vasitələrindən birində yayımlanan məlumatla bağlı əsgər
K.Q.-ya qarşı həyata keçirilmiş mümkün zorakılıq və məbləğin mümkün
qəsb edilməsi faktı ilə bağlı hərbi polisdə dərhal Gürcüstan
Cinayət Məcəlləsinin 386-cı maddəsinin 1-ci hissəsi ilə istintaq
başlayıb. Həmin maddə hərbi xidmətçilər arasında qarşılıqlı
tabesizlik qaydasının pozulmasını nəzərdə tutur və eyni zamanda
181-ci maddənin 1-ci hissəsi qəsb etmə maddəsi də istintaqa daxil
edilib.
Xatırladaq ki, hərbi polis tərəfindən artıq əsgərin qeyd etdiyi
serjant K.E. dindirilib və o, əsgərə qarşı hər hansı zorakılıq
törədilməsini qəti şəkildə təkzib edir.
İlkin dindirilmə nəticəsində qeyd olunan fakt təsdiqlənməyib. Ancaq
əsgər tərəfindən qeyd olunan mümkün zorakılıq faktının
təsdiqlənməsi halında bütün günahı olan şəxslər qanunun tam
ciddiliyi ilə məsuliyyət daşıyır.
386-cı maddə 3 ilə qədər azadlıqdan məhrum edilməni, 181-ci maddə
isə 2 ildən 4 ilə qədər azadlıqdan məhrum edilməni nəzərdə tutur.
Əsgər isə müəyyən vaxt ərzində Marneulidə tibbi müəssisədə olub.
Hazırda isə onum dindirilməsi prosesi gedir. Ailənin qarşı
çıxmasına görə əagərin dindirilmə prosesi uzanır.