2022 թվականի նոյեմբերից երկրում ուժի մեջ կմտնեն որոշակի կարգավորումներ։

Փոփոխությունները կմեկնարկեն նոյեմբերի 1-ից և կներառեն մի քանի նորամուծություններ ամսվա ընթացքում։

Նոյեմբերի 1-ից բուժհաստատություններում կիրառվելու է ֆինանսավորման նոր մոդել

Նոյեմբերի 1-ից Վրաստանում գործող բուժհաստատություններում կներդրվի ֆինանսավորման նոր մոդել։ Մասնավորապես, մի քանի օրվա ընթացքում, ըստ DRG մեթոդաբանության, ըստ բազային դրույքաչափի, հաշվարկվում է կոնկրետ բժշկական միջամտության դրույքաչափը` հիվանդի կլինիկա մուտքից սկսած, ներառյալ բուժումը և կլինիկայից դուրսգրումը: Սա նշանակում է, որ հիվանդներն այլևս ստիպված չեն լինի վճարել կլինիկայի ներկայացրած և պետության կողմից սահմանված գների տարբերությունը։

Նոյեմբերի 1-ից մրցակցության գործակալությունը կսկսի կիրառել «Սպառողների իրավունքների պաշտպանության մասին» օրենքը

Նոյեմբերի 1-ից մրցակցության գործակալությունը կսկսի կիրառել «Սպառողների իրավունքների պաշտպանության մասին» օրենքը։ Նշված օրենքն ուժի մեջ է մտել հունիսի 1-ից։ Գործակալության տվյալներով՝ 2022 թվականի նոյեմբերի 1-ից կարող է դիմել ցանկացած ֆիզիկական անձ։ Գործակալությունը կուսումնասիրի ենթադրյալ խախտման հարցը, որն առաջացրել կամ կարող է առաջացնել սպառողների խմբի շահերի խախտում։ Սույն օրենքի համաձայն՝ վաճառողը պարտավոր է հաճախորդին տրամադրել ամբողջական և ճշգրիտ տեղեկատվություն՝ ապրանքի տեսակի, բնութագրերի, պիտանիության և այլնի մասին։ Նաև համոզվեք, որ ապրանքների կամ ծառայությունների վաճառքը և միավորի գինը նշված են հստակ, հասկանալի ձևով: Հաճախորդն իրավունք ունի, անհրաժեշտության դեպքում, պահանջել ապրանքի վերանորոգում կամ փոխարինում, պայմանով, որ դա չի պահանջում անհամաչափ կամ անտեղի բարձր արժեք:

«Ռադիո Մառնեուլի»
Թարգմ․ ՝ Մարգարիտա Միսկարյան