Gürcüstan parlamentinə və Batumi şəhər məclisinə təkrar seçkilərdə hakim “Gürcü arzusu - Demokratik Gürcüstan” partiyasının namizədləri qalib gəlib.

Bu barədə Mərkəzi Seçki Komissiyasının (MSK) saytında dərc olunan ilkin məlumatda deyilir.

MSK-nın məlumatına görə, Rustavi şəhərinin birmandatlı seçki dairəsindən Gürcüstan parlamentinə keçirilən seçkilərdə “Gürcü arzusu”nun namizədi İrakli Şatakişvili 89,2 səs toplayıb. Hakim partiyanın namizədi, Batumi şəhər məclisində yer uğrunda mübarizə aparmış Ramaz Djinçaradze isə seçilərin 69%-nin etimadını qazanıb.

Ümumi seçici fəallığı 31,8% təşkil edib.

Qonio, Kvariati və Aeroport kəndlərini birləşdirən rayonda Batumi Şəhər Assambleyasının deputatlığına Jinçaradzedən başqa müxalifətin Vahid Milli Hərəkat Partiyasının nümayəndəsi Mate Putkaradzenin namizədliyi irəli sürülüb. O, 31% səs qazanıb. Qeyd edək ki, Milli Hərəkatdan olan yerli deputat Nuqzar Putkaradze ötən ilin noyabrında vəfat etdikdən sonra kurort şəhərində təkrar səsvermə zərurəti yaranıb.