Ümum Gürcüstan Müsəlmanları Ali Dini İdarəsinin sədri Seyid Mirtağı Əsədov Gürcüstan Pravoslav Kilsəsinin yeni Katolikos-Patriarxı seçilən III Şio Mucirini təbrik edib. O, yeni patriarxın seçilməsini Gürcüstanın dini-mənəvi həyatında yeni mərhələnin başlanğıcı kimi qiymətləndirib.

“Bismillahir-Rəhmanir-Rəhim.

Gürcüstan Pravoslav Kilsəsinin yeni Katolikos-Patriarxı olaraq III Şio Muciri həzrətlərinin seçilməsi münasibətilə səmimi təbriklərimizi çatdırırıq.
Bu mühüm və məsuliyyətli vəzifəyə seçilməyinizi Gürcüstanın dini-mənəvi həyatında yeni mərhələnin başlanğıcı kimi qiymətləndirir, Uca Allahdan Sizə hikmət, möhkəm iradə və uğurlu xidmət nəsib etməsini diləyirik.

Əsrlər boyu müxtəlif dinlərin, millətlərin və mədəniyyətlərin qarşılıqlı hörmət və anlaşma şəraitində yaşadığı Gürcüstanda dinlərarası dialoq, qarşılıqlı etimad və mənəvi həmrəylik xüsusi əhəmiyyət daşıyır. İnanırıq ki, Sizin rəhbərliyiniz dövründə də xalqlarımız arasında dostluq, qardaşlıq münasibətləri, dini tolerantlıq və ümumbəşəri insani dəyərlər daha da möhkəmlənəcək.

Müsəlman və xristian icmaları arasında qarşılıqlı ehtiramın, birgə əməkdaşlığın və sülh mədəniyyətinin inkişafı regionumuzda sabitlik və mənəvi birlik üçün mühüm töhfədir. Bu müqəddəs missiyada Sizə uğurlar arzulayır, Gürcüstanın rifahı, ərazi bütövlüyü və xalqının əmin-amanlığı naminə dualar edirik.

Uca Allahdan Sizə uzun ömür, möhkəm can sağlığı və xeyirli xidmət diləyirik”, – deyə təbrik məktubunda bildirilir.

Qeyd edək ki, 11 may tarixində Gürcüstan Pravoslav Kilsəsi yeni Katolikos-Patriarxını seçib. Senaki və Çxorotsku mitropoliti III Şio Muciri ölkənin 142-ci Katolikos-Patriarxı olub. Yeni Patriarx 22 səs toplayıb. Digər namizədlərə gəldikdə isə, Urbnisi və Ruisi yeparxiyasının mitropoliti İob 9 səs, Poti və Xobi mitropoliti Qriqol isə 7 səs alıb.

Xatırladaq ki, bütün Gürcüstanın Katolikos-Patriarxı II İlia 93 yaşında, 2026-cı il martın 17-də vəfat etmişdi. Bundan sonra Gürcüstan Pravoslav Kilsəsinin yeni rəhbərinin seçilməsi məsələsi gündəmə gəlmişdi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.