Marneuli meriyasında aparılan struktur dəyişikliklər çərçivəsində 10 ştat vahidinin ixtisara salınması planlaşdırılır.

Bu barədə məlumat Bələdiyyə Məclisinin 30 iyun tarixində keçirilmiş iclasında məlum olub.

Məsələni müzakirəyə meriyanın İnzibati Xidmətinin rəhbəri Mamuka Şubitidze çıxarıb. Onun sözlərinə görə, dəyişikliklər yerli özünüidarəetmə orqanında davam edən struktur dəyişikliklər çərçivəsində həyata keçirilir. Bu proses mayın 18-dən başlayıb.

“Struktur dəyişikliklər çərçivəsində qərar qəbul

olunub ki, ştat cədvəlində nəzərdə tutulan say dəyişdirilsin və 10 vahid azaldılsın. Dəyişikliklər həm inzibati müqavilələr, həm də ştat vahidləri ilə bağlıdır”, – deyə Marneuli meriyasının İnzibati Xidmətinin rəhbəri Mamuka Şubitidze bildirdi.

Bələdiyyə Məclisinin sədri Amiran Qiorqadzenin sözlərinə görə, planlaşdırılan ixtisarlar barədə qurum əməkdaşlarına əvvəlcədən rəsmi məlumat verilib.

“Bu, əməkdaşlar üçün yenilik deyil. Bir ay əvvəl bütün əməkdaşlara məlumat verilib və onlar bunu imzaları ilə təsdiqləyiblər. Struktur dəyişikliklər prosesi davam edir və bu mərhələdə ştat vahidlərinin sayı 10 vahid azaldılır”, – deyə Bələdiyyə Məclisi sədri Amiran Qiorqadze qeyd etdi.

Hazırda bu ixtisarların konkret olaraq hansı şöbələri və hansı vəzifəli şəxsləri əhatə edəcəyi hələlik dəqiq məlum deyil.

Qeyd edək ki, bənzər proses bir müddət əvvəl Marneuli Bələdiyyə Məclisində da həyata keçirilmişdi. Keçən aylarda baş tutan həmin proses çərçivəsində təxminən 12 əməkdaşın müqaviləsinə xitam verilmişdi.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.