Kareli bələdiyyəsinin uşaq bağçalarına tədarük edilən mal ətində at ətinin DNT izləri aşkar olunub.
Bu barədə məlumatı Milli Qida Agentliyinin rəyinə istinadən "Kartlis Ambebi" nəşri yayımlayıb. Kareli uşaq bağçalarını ətlə təmin edən şirkət "Gürcü Ət Məhsulları Ferması" MMC-dir.

"Marneuli" radiosu sözügedən şirkətin Kvemo Kartlinin hər hansı bələdiyyəsində olan uşaq bağçalarına da ət verib-vermədiyi ilə maraqlandı. Nəticədə aydın oldu ki, həmin şirkət Tetritskaro bələdiyyəsinin uşaq bağçalarına da toyuq və mal əti tədarük edirmiş (tenderin dəyəri 170 880 laridir).



"Marneuli" radiosu Tetritskaro Uşaq Bağçaları Birliyinin rəhbəri Pikria Meşveliani ilə əlaqə saxlaydı. O, bildirdi ki, sözügedən şirkətlə müqavilə artıq ləğv edilib, çünki son iki dəfə gətirilən ətin xarici görünüşü şübhə doğurub və bəyənilməyib.

"Şirkəti diskvalifikasiya etdik. Xəbərdarlıqdan sonra iki dəfə əti dəyişdirdik, artıq şirkətlə yolları ayırdıq və indi yeni tender elan etməliyik. Sonuncu dəfə gətirilən əti qəbul etmədik. Xəbərdarlığın təsir etmədiyini və yenə də üzərində çoxlu pərdələr olan eyni cür ət gətirdiklərini gördükdə imtina etdik. Biz bu məsələyə çox sərt yanaşırıq. Bura qədər ətə dair heç bir şübhəmiz olmamışdı. Mənim təlim keçmiş qida təhlükəsizliyini təmin edən (HASSP) və giyiyena üzrə mütəxəssisim var, özüm də bu təlimləri keçmişəm. Gedib baxırdıq, bəyənmədikdə geri qaytarırdıq. Ətin şübhəli olduğunu hiss etdikdə isə daha qəbul etmədik", — Pikria Meşveliani bildirdi.

Dövlət Satınalmaları portalının məlumatına görə, "Gürcü Ət Məhsulları Ferması" MMC Tetritskaro uşaq bağçalarına 1 kiloqram mal ətini 30 lariyə tədarük edirmiş.

Tender şərtlərinə əsasən, şirkət "Tetritskaro Məktəbəqədər Tərbiyə-Təhsil və Aztəminatlılara Yardım Mərkəzi"nin tərkibinə daxil olan bağçaları 2026-cı il dekabrın 25-dək ətlə təmin etməli idi. Lakin müqavilə vaxtından əvvəl ləğv edildiyi üçün Bağçalar Birliyi ət satın alınması üzrə yeni tender elan edəcəyini bəyan edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.