Marneuli Bələdiyyə Məclisinin iclasında meriya və Bələdiyyə Məclisinin əsasnaməsindən “gender bərabərliyi” ifadəsi çıxarılıb. Bu məsələ ilə bağlı Məclisdə gender termininin aradan qaldırılması üçün dörd məsələ müzakirə olunub.

Bələdiyyə Məclisinin reqlamentindən gender bərabərliyi termini çıxarılıb. Məsələni təqdim edən Tsotne Boçoidze iclasda bildirib ki, genderin reqlamentdən çıxarılmasına qanunvericilikdə edilən dəyişikliklər və hökumətin tövsiyəsi səbəb olub.

“Bu ilin avqust ayında Gürcüstan hökumətinin administrasiyasından tövsiyə məktubu daxil olub. Məktubda qeyd olunub ki, Marneuli Bələdiyyə Məclisinin reqlamentində gender bərabərliyi termini yenidən nəzərdən keçirilməli və müvafiq olaraq qadın və kişi bərabərliyi ifadəsi ilə əvəz olunmalıdır”, – Tsotne Boçoidze deyib.

“Qadın və Kişi Bərabərliyi Şurası”nın əsasnaməsindən də gender bərabərliyi termini çıxarılıb. Bələdiyyə Məclisi Aparatının üzvü İa Esebuanın sözlərinə görə, dəyişiklik hökumətin tövsiyəsi əsasında edilib.

Gender bərabərliyi termini Marneuli Bələdiyyəsinin və meriyanın Səhiyyə, Sosial Təminat, Mədəniyyət, İdman, Uşaq Hüquqlarının Müdafiəsi və Dəstəkgöstərmə Xidmətinin əsasnaməsində də yer almır.

“Gürcü Arzusu” Partiyası 2025-ci ilin martında “gender” termininin qanunvericilikdən çıxarılmasını dəstəkləyib. Qanun layihəsinin müəllifləri və təşəbbüskarları “Gürcü Arzusu”nun, həmçinin ondan ayrılan müxalifət – “Xalq Hakimiyyəti”nin deputatları olub. Qanunvericilikdə edilən dəyişikliyə əsasən, “gender” termini Gürcüstan qanunvericiliyindən çıxarılıb və “qadınlar və kişilər arasında bərabərlik” ifadəsi ilə əvəz edilib.

Marneuli Bələdiyyə Məclisinin 16 iyun tarixində keçirilən iclasında meriyanın Gender Bərabərliyi Şurasının adı dəyişdirilərək Qadın və Uşaq Problemləri üzrə Şura adlandırılıb.

Həmçinin, 6 may tarixində keçirilən iclasda meriyanın “Gender məsələləri və qeyri-hökumət sektoru ilə əlaqələr” şöbəsinin adı dəyişdirilib. Yeni ad “Qadın və kişi bərabərliyi, innovasiyalar və beynəlxalq əlaqələr şöbəsi” olub.

Gender sosial və mədəni amillərlə müəyyən olunur. O, qadın və kişilərin sosial cəhətdən öyrənilmiş davranışlarını, xüsusiyyətlərini və münasibətlərini əhatə edir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.